"Minezi bar adamdardan memleket japa shekpeıdi" - Zaıtov Májilis saılaýyna qatysady (VIDEO)

5481
Adyrna.kz Telegram

Belgili aıtysker aqyn Rınat Zaıtov "Adyrna" ulttyq portalynyń YouTube-arnasyna bergen suhbatynda Májilis saılaýyna túsetinin habarlady. 

"Zań ózgerip jatyr. Mojarıtarlyq ózin-ózi usyný júıesi bar. Osy saılaýda men óz-ózimdi usynamyn. Qalǵanyn Qudaı kórsetedi. Men "minezi bar" adamdardan memlekettiń japa shekkenin kórgen joqpyn. Kezinde stoldy uryp turyp sóıleıtin depýtattar da boldy. Amangeldi Aıtaly, Qarataı Turysov syndy talaı aǵalarymyz boldy. Jaryqtyq... Mysaly, olar emoıonaldy adamdar. Muhtar Shahanov depýtat boldy. Ol da emoıonaldy adam edi. Ol da aqyn edi. Bir nárseni jaqsy bilemin. Mine, qazirgi (VII shaqyrylymda) otyrǵan depýtattar bar ǵoı. 107 depýtattyń ózim tanıtyn 10-yn bylaı alaıyn. Osylar jumys isteı alady. Qalǵan 97-niń jumysyn men tanıtyn 5-aq adam atqara alady. Qalǵanynyń ne úshin otyrǵanyn bilmeıtin adamdar bar ishinde. Nege barmasqa?! Qalǵanynyń bári syltaý. Seni jolatqysy kelmeıtin adamdardyń áńgimesi. "Seniń mineziń bylaı ǵoı, sen Zańdy bilesiń be, sen bylaı isteı almaı qalmaısyń ba?"dep. Betterine aıtamyn! Janaǵy 107-niń 20-yn deıikshi jaraıdy. Men 87-nen artyq depýtat bola alamyn. Ózimdi bilemin", - deıdi Rınat Zaıtov.

"Saıası bilimińiz jetkilikti me?" dep aıtatyndar da bar...

"Aıtsyn! Saıası bilim degen ne ol? Ádiletsizdikti kórý úshin qanshalyqty bilim kerek?! Ótirik saılaýdyń bolyp jatqanyn kózińmen kórip turýyń úshin qanshalyqty bilim kerek?! Kóshede qazaqtyń teńsizdik kórip jatqanyn, qyzy qorlanyp, uly qamalyp jatqanyn kórý úshin qanshalyqty saıası saýat kerek? Osyǵan jaýap berińizdershi maǵan... Buǵan saıası saýat kerek joq. Buǵan mahabbat qana kerek. Otanǵa degen, ózińniń otandastaryna degen jáne erteńgi keleshegine degen senim kerek, aldyǵa qoıatyn maqsat kerek!", - deıdi aıtysker aqyn.

"Adyrna" ulttyq portaly 

Pikirler