Jaŋadan taǧaiyndalǧan Oqu-aǧartu ministrı Ǧani Beisembaev jelıde jazba jariialap, el müddesı üşın aianbai qyzmet etuge daiar ekenın jetkızdı, dep jazady "Adyrna" ūlttyq portaly.
"Qūrmettı dostar, ärıptester! Memleket basşysynyŋ Jarlyǧymen Oqu-aǧartu ministrı bolyp taǧaiyndaldym. Qasym-Jomart Kemelūly Toqaevqa joǧary senımı üşın rizaşylyǧymdy bıldıre otyryp, bılım salasynyŋ damuy men jas ūrpaqtyŋ bolaşaǧy jäne el müddesı üşın qyzmet etude bar küş-jıgerımdı jūmsauǧa daiyn ekenımdı bıldıremın. Keşe Memleket basşysy qabyldauynda bolyp, memlekettık jäne salalyq baǧdarlamalardy, ūlttyq jobalardy tiımdı ärı sapaly jüzege asyrudyŋ maŋyzdylyǧyna qatysty tapsyrmalar aldym. Sonymen bırge tiıstı mäselelerdı uaqytyly şeşuge jetkılıktı den qoiu qajettıgın tapsyrdy. Mektepke deiıngı, orta, qosymşa, tehnikalyq jäne käsıptık bılım, sondai-aq inkliuzivtı bılım men balalardyŋ qūqyqtaryn qorǧau mäselelerıne qatysty maŋyzdy salanyŋ salmaqty jügı artylyp otyr. Ärine, Prezident tapsyrmasyna säikes sala jūmysyn sapaly damytuǧa qatysty būǧan deiın de atqarylǧan ıster az emes. Ashat Qanatūly Aimaǧambetovke bırge atqarǧan jūmys üşın alǧys aita otyryp, sabaqtastyq jalǧasyn tabatynyn atap ötkım keledı. Öz qyzmetımde aşyqtyq qaǧidaty negızınde tärbieşılerdıŋ, mūǧalımderdıŋ, oquşylardyŋ, ata-analar qauymynyŋ, ūstazdardyŋ pıkırlerı men ūsynystaryna, jurnalister, käsıbi sarapşylarmen bılım salasyn damytuǧa qatysty ūsynys-pıkırlerdı tyŋdap, käsıbi talqylau jürgızu üşın aşyq dialog ötkızuge daiynmyn. Elımızdegı är balany sapaly bılımmen qamtyp, onyŋ ısker, qūqyqtyq sauattylyǧy joǧary azamat bolyp qalyptasudaǧy qabıletı men qarymyn aşuǧa qajettı jaǧdai jasauda bır bolamyz dep ümıttenemın", - dep jazdy Ǧani Beisembaev.
"Adyrna" ūlttyq portaly
Ūqsas jaŋalyqtar
