2050 jylǧa qarai Qazaqstandaǧy jaŋa Alatau qalasynyŋ halqy 1,87 million adamǧa deiın ösedı dep josparlanyp otyr. Sonymen qatar qalada şamamen 1 million jūmys orny aşylady. Būl turaly Bakude ötken WUF13 halyqaralyq forumynda Almaty Region Master Plan kompaniiasynyŋ ökılı Arsenii Pirojkov mälımdedı, dep habarlaidy “Adyrna”.
Onyŋ aituynşa, Alatau qalasynyŋ geografiialyq ornalasuy ekonomikalyq jäne turistık äleuettı arttyruǧa mümkındık beredı. Qala maŋyndaǧy alty saǧattyq qoljetımdılık aimaǧynda şamamen 1-2 milliard adam tūrady.
«Bız osy mümkındıktı paidalanyp, adamdardy jūmysqa, ömır süruge jäne turizmge tartudy közdeimız», – dedı Arsenii Pirojkov.
Kompaniia ökılınıŋ sözınşe, Alatau jobasy 15-20 jyl boiy äzırlengen. Jobanyŋ bastapqy master-josparyn singapurlyq Surbana Jurong kompaniiasy jasaǧan.
Josparǧa säikes, jaŋa qala tört audannan tūrady. Är audannyŋ özındık funksionaldyq baǧyty bolady. Būl täsıl qalanyŋ infraqūrylymyn tiımdı damytuǧa jäne tūrǧyndarǧa qolaily orta qalyptastyruǧa baǧyttalǧan.
Alatau qalasy Qazaqstandaǧy ırı urbanistikalyq jobalardyŋ bırı sanalady. Bilık ökılderı ony bolaşaqta ekonomikalyq, tehnologiialyq jäne turistık ortalyqtardyŋ bırıne ainaldyrudy közdep otyr.
