Forbes Cup 2026 tennis turnirı aiaqtalǧannan keiın Forbes Kazakhstan baspagerı Armanjan Baitasov äleumettık jelılerde turizmdı jäne Almaty tau klasterın damytu mäselesın köterdı. Onyŋ aituynşa, turnirden keiın Özbekstannan kelgen qonaqtarmen äŋgımelesu barysynda Ortalyq Aziia elderınıŋ turistık äleuetı turaly söz qozǧalyp, pıkırtalastyŋ basym bölıgı däl Almatynyŋ mümkındıkterıne arnalǧan.
Baitasov mälımdegendei, tau klasterın damytu – būl tek demalys pen şaŋǧy turizmı mäselesı ǧana emes, sonymen bırge jūmys oryndaryn, jaŋa biznestı qūruǧa jäne qosymşa salyq tüsımderın qamtamasyz etuge qabılettı tolyqqandy ekonomikalyq strategiia.
«Düniejüzılık turistık industriianyŋ mälımetterı boiynşa, turizm älemdegı ärbır 10-şy jūmys ornyn aşady. Ärbır turist – būl jai ǧana qonaq emes», – dep jazdy ol.
Ol ärbır turist bırden bırneşe salaǧa – qonaqüilerge, meiramhanalarǧa, taksige, ekskursiialarǧa, şaǧyn bizneske, IT-ge, gidterge jäne qyzmet körsetu salasyna sūranys qalyptastyratynyn atap öttı.
Mysal retınde ol gruzindık Gudauri kurortyn keltırdı. Būl kurort jyldar ışınde şaǧyn tau auylynan elge milliardtaǧan dollar tabys äkeletın jäne myŋdaǧan jūmys ornyn aşatyn halyqaralyq turistık ortalyqqa ainalǧan.
Forbes Kazakhstan baspagerınıŋ pıkırınşe, Almatynyŋ bıregei artyqşylyqtary bar – olar taulardyŋ megapoliske jaqyndyǧy, tabiǧaty jäne turisterdı jyl boiy qabyldau mümkındıgı. Ol infraqūrylymdy sauatty damytyp, ekologiialyq tepe-teŋdıktı saqtaǧan jaǧdaida, Almaty Euraziiadaǧy eŋ myqty tau ortalyqtarynyŋ bırıne ainala alady dep esepteidı.
«Būl qiial emes. Būl naqty ekonomikalyq strategiia. Bır ǧana sūraq bar: bız tabiǧat bergen būl mümkındıktı paidalanuǧa daiynbyz ba?» – dep jazdy Armanjan Baitasov.
Sonymen qatar ol Qazaqstanda da sondai turistık äleuettıŋ bar ekenıne qaramastan, jyl saiyn myŋdaǧan qazaqstandyqtardyŋ Gruziiaǧa şaŋǧy tebu üşın baratynyna nazar audardy.
