Memleket basşysy Almaty oblysyna jūmys sapary barysynda ötken keŋeste Qazaqstandy «Ştrafstan» nemese «Aiyppūlstan» dep ataityn azamattardy synǧa aldy, dep habarlaidy "Adyrna" ūlttyq portaly.
Prezidenttıŋ aituynşa, mūndai pıkırlerdı elge qūrmetsızdıkpen qaraityn adamdar aitady. Ol olardyŋ arasynda, ökınışke qarai, Parlament deputattary da bar ekenın atap öttı.
«Keibır adamdar, ökınışke qarai olardyŋ arasynda Parlament deputattary da bar, elımızge degen süiıspenşılıgı az bolǧandyqtan nemese oǧan mensınbei qaraityndyqtan qūqyqtyq şaralarymyzdy “Ştrafstan” nemese “Aiyppūlstan” dep ataidy. Mūndai adamdar öz közqarastarynyŋ tarlyǧyn körsete bersın. Al bızdıŋ halqymyzǧa qoǧamdyq tärtıp pen qauıpsızdık qajet. Sondyqtan bız būl baǧyttan ainymaimyz jäne “Zaŋ men tärtıp” qaǧidatyn tabandy türde jüzege asyra beremız. Būl – azamattarymyzdyŋ talaby», – dedı Qasym-Jomart Toqaev.
Memleket basşysy qoǧam men öŋır äkımderı qoǧamdyq tärtıp pen zaŋnyŋ saqtaluyna erekşe nazar audaruy qajet ekenın aitty.
Eske salaiyq, 2024 jyldyŋ jeltoqsanynda Mäjılıs Äkımşılık qūqyq būzuşylyq turaly kodekske engızıletın özgerısterdı ekınşı oqylymda qaraǧan kezde deputat Azat Peruaşev jekelegen normalardy synǧa alyp, Qazaqstandy «Ştrafstan» dep ataǧan edı. Keiınırek, 2025 jylǧy 28 qaŋtarda ötken Ükımettıŋ keŋeitılgen otyrysynda Prezident qūqyqtyq tärtıptı qamtamasyz etu şaralary elge jaǧymsyz atau taǧuǧa negız bolmauy tiıs ekenın mälımdegen edı. Osydan keiın Azat Peruaşev özınıŋ «Ştrafstan» sözın qoldanuy sätsız taŋdau bolǧanyn moiyndady. Onyŋ aituynşa, Qazaqstannyŋ halyqaralyq bedelıne nūqsan keltırmeu maŋyzdy.
