İrannyŋ Joǧarǧy köşbasşysy Modjtaba Hamenei 2 myŋnan astam adamǧa raqymşylyq jasau turaly jarlyqqa qol qoidy. Būl – onyŋ 2026 jyldyŋ nauryzynda İslam Respublikasynyŋ basşysy bolyp sailanǧannan keiın şyǧarǧan alǧaşqy resmi qūjaty. Būl turaly TASS agenttıgı saiasatkerdıŋ Telegram-arnasyna sılteme jasap jariialady, dep habarlaidy "Adyrna".
Jariialanǧan mälımetke säikes, Joǧarǧy köşbasşy būl şeşımdı Äli ibn Äbu Tälıptıŋ Mūhammed paiǧambardyŋ mūragerı retınde jariialanǧan künıne arnalǧan şiitterdıŋ dıni merekesıne orai qabyldaǧan. İranda būl mereke 5 mausymda atap ötıledı.
Hamenei qol qoiǧan jarlyqta «raqymşylyq jasau nemese jaza merzımın jeŋıldetu» qarastyrylǧan.
Alaida İrannyŋ sot bilıgımen bailanysty Mizan agenttıgınıŋ habarlauynşa, būl raqymşylyq tyŋşylyq jasady dep aiyptalǧandarǧa, sondai-aq İrannyŋ qauıpsızdıgıne qarsy qylmys jasaǧan adamdarǧa qoldanylmaidy.
Sonymen qatar, dıni merekelerge orai raqymşylyq jariialau turaly jarlyqtar İslam Respublikasynda būrynnan qalyptasqan dästür bolyp sanalady. Sondyqtan jaŋa Joǧarǧy köşbasşynyŋ öz qyzmetın däl osyndai qūjattan bastauy taŋǧalarlyq jaǧdai emes.
Modjtaba Hamenei İrannyŋ Joǧarǧy köşbasşysy qyzmetınde äkesı Äli Hameneidıŋ ornyn basty. Mätınde aitylǧandai, Äli Hamenei 28 aqpanda AQŞ pen İzraildıŋ İranǧa jasaǧan soqqylarynyŋ alǧaşqy künı qaza tapqan. Jaŋa basşy äzırge köpşılık aldyna şyqpaǧanymen, onyŋ baspasöz qyzmetı ara-tūra bileuşınıŋ atynan joldaular jariialap keledı.
