Işkı ıster ministrı Erjan Sädenov būrynǧy bankir Jomart Ertaevtyŋ koloniiadan bosatyluyna qatysty pıkır bıldırdı, dep habarlaidy "Adyrna" ūlttyq portaly.
Jurnalister ministrden 144 milliard teŋgenı jymqyrdy dep aiyptalyp, 11 jyl5a sottalǧan adamnyŋ qalaişa 4 jyldan keiın raqymşylyqpen bostandyqqa şyqqanyn sūrady. Sädenov mūndai şeşımdı sot qabyldaǧanyn jäne ony özı tüsındıre almaitynyn aitty.
“Ol da qūqyly. Raqymşylyqqa säikes osyndai şeşım qabyldandy. Bıraq oǧan şekteu bar, iaǧni probasiialyq baqylau qoiylady. Ol – memleketke qaryz adam. Menıŋ oiymşa, mūnda apelliasiiaǧa, iaǧni narazylyq engızuge bolady. Būl – sot şeşımı, men ony tüsındıre almaimyn”, – dedı Sädenov.
Ministrden Ertaevtyŋ şynynda da Konstitusiianyŋ 30 jyldyǧyna orai jariialanǧan raqymşylyq aiasynda bosatylǧan-bosatylmaǧany da sūraldy.
“Men tek sot şeşımımen būl adamǧa raqymşylyq jasalǧanyn rastai alamyn. Sonymen qatar probasiialyq baqylau saqtalady”, – dep jauap berdı Sädenov.
Bügın būrynǧy bankir Jomart Ertaevtyŋ koloniiadan bosaǧany belgılı boldy. Aqparatty IIM Qylmystyq-atqaru jüiesı komitetı rastady. Onda Ertaevtyŋ aldaǧy uaqytta baqylau men qadaǧalau üşın probasiia qyzmetınıŋ esebıne qoiylǧany aityldy.
Aita keteiık, 2020 jyldyŋ qaraşasynda Jomart Ertaev RBK Bank-ten 144 milliard teŋgenı jymqyrǧany üşın aiyptalyp, 11 jylǧa sottalǧan edı. Onymen bırge taǧy 35 adamǧa ükım şyqqan.
2018 jyly Jomart Ertaev qazaq ūltşyl-patriottary tarapynan qauıp töngenın aityp, Reseiden saiasi baspana sūraǧan edı.
