“Adyrna” ūlttyq portaly YouTube arnasynyŋ kezektı qonaǧy – «Kök tudyŋ jelbıregenı» änınıŋ avtory, aqyn, qoǧam qairatkerı Almas Ahmetbekūly.
Ol sūhbat barysynda şyǧarmaşylyq joly, tarihi Otanyna oraluy, qandastardyŋ qoǧamdaǧy orny jäne eldegı saiasi-äleumettık mäseleler jönınde oi bölıstı.
Sūhbat kezınde aqynnyŋ şetelden elge oralǧannan keiın qoǧamdyq-saiasi ömırge belsendı aralasuyn söz etıldı. Almas Ahmetbekūly täuelsız Qazaqstanǧa qonys audarudyŋ özı ömırındegı eŋ maŋyzdy şeşımderdıŋ bırı bolǧanyn atap öttı.
Aqyn elge oralǧan qandastardyŋ alǧaşqy jyldardaǧy qiyndyqtaryna da toqtaldy. Onyŋ aituynşa, azamattyq alu, qūjat räsımdeu jäne äleumettık beiımdelu mäselelerı köptegen otbasylar üşın ülken synaq bolǧan. Sonymen qatar, 1990-jyldary tarihi Otanyna köşıp kelgen qazaqtardyŋ el damuyna qosqan ülesı zor ekenın aitty.
