18 qazanda Qytai astanasy Pekinde «Bır beldeu, bır jol» halyqaralyq yntymaqtastyq forumynyŋ üşınşı otyrysy saltanatty türde aşylady. Sol qarsaŋda jergılıktı BAQ osy jobanyŋ maŋyzy jaiynda jiı jazyp, körsetıp, talqylap jatyr. «Jenmin jibao» (Halyq gazetı) basylymynyŋ qazaqşa nūsqasynda jariialanǧan Qazaqstan-Qytai qatynasy turaly keibır maqalalarǧa şolu jasaǧandy jön kördık.
Osy forum qarsaŋynda «Jenmin jibao» gazetınde Qazaqstan-Qytai arasyndaǧy maŋyzdy aqparattar jariialanyp, eldıŋ yntymaqtastyq qarym-qatynasy söz etılude.
17-18 qazan aralyǧynda Beijıŋde «Bır beldeu, bır jol» halyqaralyq joǧary deŋgeidegı yntymaqtastyqtyŋ üşınşı forumy ötude. Elımızdıŋ sarapşylary «Bır beldeu, bır jol» bırlesken qūrylysynda Ortalyq Aziianyŋ bes elı şeşuşı bolyp tabylatynyn aituda.
Prezident Qasym-Jomart Toqaev osy forumǧa qatysu maqsatynda ıs-saparmen QHR attanǧan bolatyn. Qazaq tılınde sairaǧan qytailyq saitta qos basşynyŋ kezdesuı turaly aqparat basty bette tūr.
Qazaqstandyq sarapşy Aidar Ämırbaev yntymaqtastyqtyŋ üşınşı forumy «Bır beldeu, bır jol» şaralaryn bırlesıp talqylauǧa jäne odan ärı damu üşın strategiialyq negızgı baǧyttardy belgıleuge tamaşa mümkındık ekenın jetkızdı.
QYTAI TAQYRYBYNA ARNALǦAN KITAP DÜKENI
«Jenmin jibao» basylymynda jariialanǧan taǧy bır maqalaǧa köz salsaq, «Bır beldeu, bır jol» bırlesken qūrylysy aiasynda Qazaqstanda «Qytai tılıne qyzyǧuşylyqtyŋ» artqany ärı küllı Ortalyq Aziiadaǧy Qytai taqyrybyna arnalǧan alǧaşqy kıtap dükenı Qazaqstanda aşylǧany habarlanyp tūr. Maqalada: «... qytai tılın üirenu arqyly «Bır beldeu, bır joldyŋ» mümkındıkterın paidalanu Qazaqstandaǧy köptegen jastyŋ taŋdauy boldy. Qazaqstanda qytaişa kıtaptar men Qytai tılın üirenu boiynşa kıtaptardyŋ jariialanuy men taralymy jyldan jylǧa artyp keledı. Qazaqstannyŋ bırneşe kıtaphanasynda «Qytai terezesı», «Qytai ädebietınıŋ būryşy» aşyldy, al Almaty qalasynyŋ bas köşesınde Ortalyq Aziiadaǧy Qytai taqyrybyna arnalǧan alǧaşqy kıtap dükenı jūmys bastady»,-delıngen. Almaty qalasynyŋ ortalyq köşelerınde ornalasqan kıtap dükenderınıŋ bırınde «Bır beldeu, bır joldyŋ» on jyldyǧyna bailanysty Qytai ädebietı men mädenietıne qyzyqqandar qatary köbeiıp keledı eken.QAZAQTYŊ ET PEN MAIYNA SŪRANYS
«Jenmin jibao» basylymyndaǧy taǧy bır maqalaǧa qaraǧanda, soŋǧy kezderı Qytai dastarhanynan qazaqstandyq auyl şaruaşylyǧynyŋ önımderı men qazaqstandyq ūn men maidy jiı ūşyratuǧa bolady. Qazaqstandyq fermerler men käsıpkerler, eksporttyq kompaniialar Qytaidyŋ tūtynu naryǧynyŋ äleuetın jaqsy sezınude. Qyrküiek aiynyŋ basynda Ürımjıde Qytai men Qazaqstan arasyndaǧy halyqaralyq auyl şaruaşylyǧy yntymaqtastyǧyn damytu jönındegı konferensiia ötıp, qazaqstandyq 11 kompaniianyŋ ökılderı tūqymdardy zertteu men äzırleudı, jemıster men kökönısterdıŋ köşetterın ösırudı, auyl şaruaşylyǧy tehnikasyn öndırudı, auyl şaruaşylyǧy önımderı men janama önımderdı qaita öŋdeudı jäne basqa da salalardy qamtityn sūranystyŋ toǧysuyn jürgızgen bolatyn. Taǧy bır maqalada «Bır beldeu, bır jol» bırlesken qūrylysy aiasynda auyl şaruaşylyǧy salasyndaǧy Qytai-Qazaqstan yntymaqtastyǧy jemıstı bolatyny aitylǧan. QHR-dyŋ Qazaqstandaǧy tötenşe jäne ökılettı elşısı Chjan Siao bır mälımdemesınde: «Sızderdıŋ azyq-tülıkterıŋız: bidai, ūn, bal, ösımdık maiy, äsırese, et Qytaida öte tapşy – öitkenı oǧan sūranys zor» degen bolatyn. Al Qytaidyŋ auyl şaruaşylyq salasy eldıŋ äleuetımen bäsekeles bola almaityny belgılı. Sondyqtan būl joba auyl-şaruaşylyǧy üşın paidasy mol boluy yqtimal.JUNGO BASTAǦAN «JIBEK JOLY»
«Bır beldeu, bır jol» bastamasy Qytai damu bankınıŋ nesielerı esebınen şetelde kölık, energetika jäne basqa da infraqūrylymdardy salu baǧdarlamasy retınde bastalǧan bolatyn. Joba maqsaty ejelgı "Jıbek joly" sauda marşruttarynyŋ 21 şı ǧasyrdaǧy nūsqasyn jasau jäne Qytaidyŋ Taiau Şyǧyspen, Europamen sauda-ekonomikalyq qatynastaryn nyǧaitu bolyp otyr. Būl jobaǧa qatysty QHR-dyŋ Qazaqstandaǧy elşısı Chjan Siao Qytai men Qazaqstan memleket basşylarynyŋ strategiialyq basşylyǧymen jäne derbes alǧa jyljuymen «Bır beldeu, bır jol» bastamasy ekı el arasyndaǧy pragmatikalyq yntymaqtastyqty damytuǧa ūdaiy yqpal ete otyryp, Qazaqstannyŋ damu strategiiasymen tereŋ integrasiialanǧanyn atap ötken bolatyn.«Adyrna» ūlttyq portaly
Ūqsas jaŋalyqtar
