"Kezdesudıŋ jaŋa formatyna beiımdelmei, eskı sürleuden şyǧa almai otyrǧandar bar". Būl turaly Premer-Ministr Älihan Smaiylov Ükımet otyrysynda aitty, dep jazady "Adyrna" ūlttyq portaly.
Premer-Ministr Memleket basşysynyŋ tapsyrmasy boiynşa ministrler men äkımderdıŋ halyqpen kezdesulerı jaŋa formatqa säikes «jüzbe-jüz, aşyq tıldesu» türınde ötkızıletının atap öttı.
«Halyqpen kezdesuden soŋ barlyq deŋgeidegı äkımder problemalyq mäselelerdı jüieleidı, al olardy qarjylandyru mümkındıkterı mäslihat sessiialarynda qaralady», — dedı Älihan Smaiylov.Ükımet basşysynyŋ aituynşa, keibır öŋırlerde kezdesudıŋ jaŋa formatyna beiımdelmei, eskı sürleuden şyǧa almai otyrǧandar da bar. Alaida, būǧan qaramastan, mūndai şaralarǧa erkın kıru prinsipı saqtaluy kerek.
«Memleket basşysy “halyq ünıne qūlaq asatyn memleket” prinsipınıŋ maŋyzdylyǧyn atap körsettı. Bız halyqtyŋ mūŋ-mūqtajyna qūlaq asyp, olardyŋ syn-pıkırlerın de tyŋdai bıluımız kerek. Adamdardy kündelıktı bolyp jatqan qarapaiym mäseleler alaŋdatady. Tek osyndai kezdesulerdıŋ qorytyndysy boiynşa ǧana halyqtyŋ tarapynan 30 myŋǧa juyq mäsele men ūsynys köterıldı. Būlardyŋ bırde-bıreuı qarausyz qalmauy tiıs. Adamdar özderı kötergen mäselelerdıŋ naqty şeşımın tauyp jatqanyn köruı kerek», — dedı Premer-Ministr.Ministrler men äkımderge halyqpen kezdesulerdıŋ nätijelılıgın arttyru tapsyryldy. Mūnda problemalyq mäselelerdıŋ jedel şeşıluıne basymdyq berıp, nysanaly toptarmen tūraqty kezdesuler ötkızıp otyru kerek. Sondai-aq Ükımet basşysy ministrler men äkımderdıŋ halyqpen kezdesuın baǧalau kriteriilerın äzırleudı tapsyrdy, olardyŋ nätijelerı Ükımette ünemı qaralyp otyratyn bolady.
"Adyrna" ūlttyq portaly
