28 mausym – Būqaralyq aqparat qūraldary qyzmetkerlerı künı. Būl kün 2019 jyly Ükımet qaulysymen resmi türde bekıtılıp, jurnalister men aqparat salasy mamandarynyŋ eŋbegıne körsetılgen qūrmettıŋ belgısıne ainaldy, dep habarlaidy "Adyrna".
Qazaqstandaǧy jurnalisterdıŋ käsıbi merekesınıŋ tarihy bırneşe kezeŋnen tūrady. Täuelsızdıktıŋ alǧaşqy jyldarynda būl kün 10 mamyrda atalyp öttı. Sebebı 1870 jyldyŋ däl osy künı qazaq tılındegı tūŋǧyş basylym – «Türkıstan uälaiaty» gazetınıŋ alǧaşqy sany jaryq körgen bolatyn. Al 1997 jyly mereke künı özgertılıp, 28 mausymǧa belgılendı. Būl data Qazaqstandaǧy alǧaşqy «Baspa jäne özge de būqaralyq aqparat qūraldary turaly» zaŋnyŋ qabyldanuymen bailanysty.
2011 jyly käsıbi merekelerdıŋ jaŋa tızımı bekıtılıp, 28 mausym Bailanys jäne aqparat qūraldary qyzmetkerlerı künı retınde ataldy. Keiın 2019 jyldan bastap mereke «Būqaralyq aqparat qūraldary qyzmetkerlerı künı» degen ataumen resmi türde bekıtıldı.
Bügınde jurnalister qoǧam men memleket arasyndaǧy bailanysty nyǧaityp, halyqqa şynaiy ärı jedel aqparat jetkızude maŋyzdy röl atqarady. Sondai-aq elımızde BAQ salasy qyzmetkerlerın qoldau maqsatynda jyl saiyn türlı şyǧarmaşylyq baiqaular men marapattau räsımderı ūiymdastyrylyp keledı. Būl mereke aqparat salasy mamandarynyŋ qoǧam aldyndaǧy jauapkerşılıgı men eŋbegın därıpteitın maŋyzdy kün bolyp sanalady.
