Bügın oblys äkımı Mūrat Ergeşbaev, «Qazaqstan Temır Joly» ūlttyq kompaniiasynyŋ qūrylys jönındegı basqaruşy direktory Marat İskaliev, oblystyq mäslihat töraǧasy Mūrat Tleumbetov, Qorqyt ata atyndaǧy Qyzylorda universitetınıŋ Basqarma töraǧasy-rektor Nauryzbai Baiqadamov, ziialy qauym ökılderı men el aǧalary qaita jaŋǧyrtudan ötken Qazaly temırjol vokzalynyŋ saltanatty aşylu räsımıne qatysty.
Aimaq basşysy audan tūrǧyndaryn qūttyqtap, jol-kölık infraqūrylymyn damytudaǧy bastamalar, olardy jüzege asyrudyŋ maŋyzdylyǧy turaly aitty.
«Syr öŋırı toǧyz joldyŋ torabynda ornalasqandyqtan aimaǧymyzdan halyqaralyq jäne öŋıraralyq temırjol baǧyttarymen myŋdaǧan jolauşy, şeteldık turister qatynaidy.
Bügın bız ǧasyrdan astam tarihy bar Qazaly temırjol vokzalyn resmi türde ıske qosamyz. Künıne 350 jolauşy kelıp-ketetın, aumaǧy 8 860 şarşy metr ǧimarat 1 mlrd. 290 mln.teŋgeden astam qarjyǧa qaita jaŋǧyrtyldy. Jaŋa nysanda audan tūrǧyndary men qonaqtaryna sapaly qyzmet körsetıledı dep senemın», - dedı Mūrat Nälqojaūly. 
Aşylu saltanatynda Marat İskaliev pen Qazaly audandyq ardagerler keŋesınıŋ töraǧasy Orazǧali Bekbanov söz söilep, temırjol salasynda eŋbek etıp jürgen qyzmetkerler men merdıger mekeme ökılderı oblys äkımınıŋ Alǧys hatymen marapattaldy.
Aita keteiık, Memleket basşysynyŋ tapsyrmasymen elımızdegı 124 vokzal jaŋǧyrtylyp jatyr.
Qyzylorda oblysynyŋ aumaǧyndaǧy vokzaldar ötken ǧasyrdyŋ basyndaǧy "Orynbor-Taşkent" magistralı jürgızılgen kezeŋde salynǧan. Tarihi ǧimarattardy jaŋǧyrtylatyn nysandar tızımıne engızu sol kezdegı oblys äkımı Nūrlybek Maşbekūlynyŋ bastamasymen jüzege asty. Barlyq audan ortalyǧyndaǧy jäne Töretam, Sekseuıl stansiialaryndaǧy vokzaldardy, Jaŋaqorǧan audanyndaǧy Talap beketınıŋ platformasyn jaŋǧyrtuǧa 10 mlrd. teŋgege juyq qarjy bölındı.
Qazaly temırjol vokzaly – jai nysan emes, ǧasyrlyq tarihtyŋ kuäsı, audannyŋ ösıp-örkendeu jolyndaǧy maŋyzdy simvoldardyŋ bırı. Irgetasy HH ǧasyrdyŋ basynda Aqirek tauynan qaşalyp, tüie keruenımen jetkızılgen tastan qalanǧan eken. Qabyrǧasy küidırılgen kırpışten örılgen. Erekşe säuletımen daralanǧan būl ǧimarat 1980 jyly arhitekturalyq eskertkış retınde arnaiy esepke alynǧan.
Bügınde Qazaly audanynyŋ aumaǧynda 91 şaqyrym temırjol jelısı bar, täulıgıne 12 jolauşylar poiyzy ötedı.
Soŋǧy ret 2013 jyly jöndeuden ötken. Byltyr säuır aiynda «Qazaqstan Temır Joly» ūlttyq kompaniiasynyŋ qarjylandyruymen «Baq Bereke» JŞS ǧimarattyŋ ırgetasy men qabyrǧalaryn küşeitıp, şatyryn tolyq jaŋartty. Esık-terezelerın auystyryp, kütu zaldaryn zamanaui talaptarǧa sai jabdyqtady. Mümkındıgı şekteulı azamattarǧa qolaily orta jasalyp, qauıpsızdık jüielerı ornatyldy. Ana men bala bölmesı, medisinalyq punkt bar. Aumaǧy abattandyrylyp, jaŋa kelbetke ie boldy. Maŋyndaǧy infraqūrylymdy jaqsartu baǧytynda da auqymdy jūmystar atqaryldy. Biyl qaŋtar aiynda temırjol üstındegı jaiau jürgınşıler köpırı paidalanuǧa berıldı.
Osylaişa Äiteke bi kentınıŋ temırjoldyŋ arǧy betınde tūratyn 13 myŋnan astam tūrǧyny üşın qauıpsız ärı yŋǧaily qatynau mümkındıgı jasaldy.
