Qasiettı Altai törınde türkı jūrtynyŋ ruhani tamyry men mädeni tūtastyǧyn aişyqtaǧan eŋ auqymdy halyqaralyq mädeni şaralardyŋ bırı – «Altai – türkı älemınıŋ altyn besıgı» festivalınıŋ şaryqtau sätı öttı. Şyǧys Qazaqstan oblysynyŋ Katonqaraǧai audanynda ūiymdastyrylǧan aituly öner merekesıne Qazaqstannyŋ tükpır-tükpırınen jäne alys-jaqyn şetelderden kelgen 50 myŋǧa juyq qonaq pen körermen jinaldy.
Saltanatty şaranyŋ aşyluynda söz söilegen Şyǧys Qazaqstan oblysynyŋ äkımı Nūrymbet Saqtaǧanov Altaidyŋ türkı örkenietındegı tarihi ornyna toqtaldy.
"Myŋdaǧan jyldar boiy Altai örkenietter toǧysqan, Ūly Jıbek jolynyŋ maŋyzdy torabyna ainalǧan, ruhani quattyŋ qainar közı bolǧan qasiettı ölke retınde tanylyp keledı.
Bügınde Ūly Altai özınıŋ tarihi missiiasyn qaita jaŋǧyrtyp, dostar men niettes halyqtardyŋ basyn qosyp otyr. Bauyrlas memleketterden kelgen qadırlı qonaqtarymyzǧa şynaiy rizaşylyǧymyzdy bıldıremız.
Memleket basşysy Qasym-Jomart Kemelūly Toqaev türkı memleketterınıŋ ortaq tarihi-mädeni mūrasyn saqtau – keler ūrpaq aldyndaǧy ortaq jauapkerşılıgımız ekenın bırneşe ret atap öttı. Bügınde Jaŋa Ädılettı Qazaqstan qūndylyqtary aiasynda būl sözder erekşe mänge ie bolyp otyr. Özınıŋ qalyptasu kezeŋınen berı «Altai – türkı älemınıŋ altyn besıgı» halyqaralyq festivalı öner, muzyka jäne ruhani mūra syndy mäŋgılık qūndylyqtar arqyly türlı elderdıŋ ökılderın toǧystyratyn aituly halyqaralyq mädeni şaraǧa ainaldy, - dedı oblys äkımı aimaq basşysy.
Şyǧys Qazaqstan oblysy äkımdıgınıŋ qoldauymen ūiymdastyrylǧan festival türkı halyqtarynyŋ ortaq tarihyn, bai mädeni mūrasyn jäne bauyrlas elder arasyndaǧy ruhani bailanysty därıpteuge baǧyttalǧan. Altaidyŋ sūlu tabiǧaty aiasynda ötıp jatqan mereke bügınde halyqaralyq mädeni ünqatysudyŋ bedeldı alaŋyna ainalyp otyr.
Gala-konsert teatrlandyrylǧan «Pyraq» qoiylymymen aşyldy. Saq däuırınen bastau alatyn türkı düniesınıŋ kielı simvoly – aq qanatty tūlpar beinesı arqyly Ūly dala örkenietınıŋ ruhy, köşpendıler mädenietınıŋ bolmysy jäne jylqynyŋ adamzat tarihyndaǧy airyqşa orny zamanaui sahnalyq şeşımdermen äserlı körınıs tapty.
Keş barysynda Qazaqstan men türkı älemınıŋ tanymal öner jūldyzdary bır sahnada bas qosty. Öner süier qauymǧa Qazaqstannyŋ älemge äigılı änşısı Dimaş Qūdaibergen men «Sarmat» toby, Qaraqalpaqstannan Erbai Niiazov, Äzerbaijannan Efendi, Özbekstannan Sevara Hantulanova, Qyrǧyzstannan JAX, Majarstannan Nox toby, Türkiiadan Mūrat Iаprak, Başqūrtstannan «Hazina» ansamblı, Moŋǧoliiadan Subedei Samdum men «Ot» toby, sondai-aq Tyva Respublikasynan Aizana öz önerlerın tartu ettı.
Älemnıŋ är qiyrynan kelgen önerpazdardyŋ basyn qosqan būl keş türkı halyqtarynyŋ bai muzykalyq mūrasyn därıptep qana qoimai, mädeni bailanystardy nyǧaitatyn ırı halyqaralyq öner alaŋyna ainaldy.
Festivaldıŋ basty erekşelıgı – onyŋ keŋ halyqaralyq auqymynda. Katonqaraǧaiǧa Qazaqstannyŋ barlyq öŋırlerınen bölek, Türkiia, Germaniia, Äzerbaijan, Özbekstan, Qyrǧyzstan, Majarstan, Moŋǧoliia jäne Resei Federasiiasynyŋ türkı respublikalarynan kelgen qonaqtar jinalyp, Altai törındegı ruhani merekenıŋ kuäsı boldy.
Osylaişa, «Altai – türkı älemınıŋ altyn besıgı» halyqaralyq festivalı tarihi tamyrlastyqty, mädeni sabaqtastyqty jäne halyqtar dostyǧyn därıpteitın maŋyzdy halyqaralyq alaŋ retındegı märtebesın taǧy bır märte aiqyndady. Al 50 myŋǧa juyq körermennıŋ basyn qosqan Gala-konsert Tör Altai aspanyn äsem äuenge bölep, festival tarihyndaǧy eŋ jarqyn ärı este qalarlyq sätterdıŋ bırıne ainaldy.
