Türkıstan oblysynyŋ Otyrar audanynda tört balasymen bırge ız-tüzsız joǧalyp ketken äieldıŋ qaida ekenı anyqtaldy, dep habarlaidy "Adyrna" ūlttyq portaly.
Būl turaly jurnalist Gülmira Äbıqai dabyl qaqqan edı.
Äiel men balalarynyŋ aman ekenı turaly aqparatty Türkıstan oblysy polisiia departamentı rastady. Polisiianyŋ mälımetınşe, audan tūrǧyny jūbaiynyŋ tört balasyn ertıp üiden şyǧyp ketkenın jäne bırneşe kün boiy bailanysqa şyqpaǧanyn aityp, qūqyq qorǧau organdaryna jügıngen. Osydan keiın jedel ızdestıru şaralary qolǧa alynyp, ızdeuge oblystyq jäne audandyq polisiia bölımderınıŋ qyzmetkerlerı jūmyldyryldy.
Izdestıru barysynda öŋırdegı negızgı joldar baqylauǧa alynyp, körşıles aumaqtarǧa da baǧdarlamalar jıberılgen. Nätijesınde äiel tört balasymen bırge taksimen kele jatqan kezde anyqtalyp, polisiia bölımıne jetkızıldı. Tekseru kezınde onyŋ otbasyndaǧy tūrmystyq kelıspeuşılıkten keiın balalaryn ertıp Şymkent qalasyna ketkenı belgılı boldy. Äiel eşkımge eskertpesten päter jaldap tūrǧan.
Polisiianyŋ habarlauynşa, otbasy müşelerımen profilaktikalyq äŋgıme jürgızılıp, tuystarynyŋ qatysuymen mäsele özara kelısımmen şeşılgen. Qazır äiel men balalary üiıne oralǧan.
