Ystanbūl soty İzrail premer-ministrı Biniamin Netaniahuǧa adamzatqa qarsy qylmystar jasady degen aiyppen qamauǧa alu turaly order berdı. Būl turaly Turkiye Today basylymy jazdy, dep habarlaidy «Adyrna» tılşısı.
Sot prokuraturanyŋ ony halyqaralyq ızdeuge jariialau üşın İnterpolǧa sūrau joldau turaly ötınışın qanaǧattandyrǧan.
Şeşım Biniamin Netaniahu men İzraildıŋ basqa da lauazymdy tūlǧalaryna qarsy berılgen talap-aryzdy qarau qorytyndysy boiynşa qabyldanǧan. Talap-aryz 2025 jyldyŋ qazan aiynda İzrail bilıgı Gaza sektoryna bara jatqan kezde toqtatqan «Bostandyq flotiliiasy» oqiǧasyna bailanysty qozǧalǧan.
2025 jyldyŋ qaraşasynda Ystanbūl soty osy ıs boiynşa Biniamin Netaniahu men İzraildıŋ özge de resmi ökılderın qamauǧa alu turaly aldyn ala order şyǧarǧan bolatyn. Aiyptar tızımıne genosid, qasaqana ziian keltıru, azaptau, auyrlatatyn män-jailardaǧy tonau, mülıktı büldıru, zaŋsyz bas bostandyǧynan aiyru jäne kölık qūraldaryn aidap äketu baptary engızılgen.
Biyl säuır aiynda Ystanbūl prokuraturasy ıs figuranttaryn auyrlatatyn män-jailarmen ömır boiyna bas bostandyǧynan aiyrudy sūraǧan. Vedomstvonyŋ mälımetınşe, halyqaralyq teŋız qūqyǧy normalaryna säikes türık sottary būl ıstı qarauǧa iurisdiksiiaǧa ie.
