Qazaqstan Prezidentı Äkımşılıgınıŋ jäne qalalyq mäslihat deputattarynyŋ kelısımımen Temırtau qalasynyŋ äkımı bolyp Sapar Sataev taǧaiyndaldy. Jaŋa basşyny Temırtau qalasynyŋ aktivıne Qaraǧandy oblysynyŋ äkımı Ermaǧanbet Bölekpaev tanystyryp, qala basşysynyŋ aldyna qoiylǧan negızgı mındetterdı aiqyndap berdı, dep habarlaidy "Adyrna".
"Sapar Sataevtyŋ memlekettık basqaru jüiesınde täjıribesı mol. Ol äleumettık-ekonomikalyq damu mäselelerın jaqsy bıledı ärı qajettı käsıbi bılıktılıkke ie. Sonymen qatar Balqaş qalasyndaǧy qyzmetı barysynda ırı önerkäsıp käsıporyndarymen tiımdı ärıptestık ornata bıldı. Būl täjıribe Temırtauda da qala qūrauşy metallurgiialyq käsıporynmen yntymaqtastyqty odan ärı damytuǧa serpın beredı dep senemın. Onyŋ basşylyǧymen jylumen jäne sumen jabdyqtau jüielerın jaŋǧyrtu, joldardy jöndeu baǧytynda auqymdy jobalar jüzege asyryldy. Sonyŋ nätijesınde kommunaldyq infraqūrylymnyŋ senımdılıgı edäuır artyp, körsetıletın qyzmetterdıŋ sapasy jaqsardy. Sapar Qaiyrkenūly, sızdıŋ basty mındetıŋız – temırtaulyqtardyŋ ömır süru sapasyn arttyru, tūrǧyndar üşın jaily ärı qauıpsız qalalyq orta qalyptastyru, sondai-aq qalanyŋ ornyqty äleumettık-ekonomikalyq damuyn qamtamasyz etu", – dedı oblys äkımı.
Sapar Sataev eŋbek jolyn 2002 jyly "Qazaqavtojol" respublikalyq memlekettık käsıpornynda bastaǧan. Är jyldary "Botaqara su qojalyǧy" kommunaldyq memlekettık qazynalyq käsıporny direktorynyŋ orynbasary jäne direktordyŋ mındetın atqaruşy qyzmetterın atqarǧan.
Memlekettık qyzmette 2010 jyldan berı eŋbek etıp keledı. Qaraǧandy oblysy Būqar jyrau audanyndaǧy Botaqara kentınıŋ äkımı boldy.
