Jetısudaǧy Alaköl jaǧalauynda jazǧy mausym bastalǧany berı şaǧyn kölemdı kemelerdı paidalanu erejesı talaptaryn būzǧan azamattarǧa qatysty 109 äkımşılık jaza qoldanyldy. Būl qabyldanǧan şaralar demaluşylardyŋ qauıpsızdıgın qamtamasyz etuge baǧyttalǧan.
- Biylǧy jyldyŋ 15 mamyrynan berı TJD qyzmetkerlerı basqa da jauapty organdarmen bırlesıp 90 kündızgı jäne 62 tüngı reid ūiymdastyryldy. Su kölıkterın tekseru ökılettıgı berılgen sätten bastap şaǧyn kemelerdı paidalanu talaptaryn būzu faktısı qatysty 109 hattama toltyrylyp, 1 mln 654 myŋ teŋgeden astam aiyppūl salyndy. Atap aitqanda, kemenıŋ bort nömırlerınıŋ bolmauy, belgılengen şamadan tys artyq jolauşy alyp jüru, özınıŋ qūjaty joq nemese keme biletı joq bolǧan jaǧdailar, navigasiialyq belgıler talaptaryn saqtamau, qūtqaru jiletınıŋ bolmauy siiaqty zaŋbūzuşylyqtarǧa şara qoldanyldy. Şaǧyn kölemdı kemelerdı paidalanu qaǧidalary men qauıpsızdık talaptaryn būzǧan tūlǧalarǧa zaŋnamaǧa säikes qataŋ äkımşılık yqpal etu şaralary qoldanylady, - dedı Jetısu oblysynyŋ Tötenşe jaǧdailar departamentınıŋ bastyǧy Qanat Altynbekov.
Sonymen qatar polisiia qyzmetkerlerı tarapynan jaǧalauda jürgızılgen qūqyqtyq tärtıptıŋ saqtaluyn qamtamasyz etu maqsatyndaǧy reidtık şaralary barysynda 1755 äkımşılık qūqyq būzuşylyq anyqtalyp, äkımşılık hattamalar toltyryldy, 3,5 myŋ teŋgege juyq äkımşılık aiyppūl salyndy. Sonyŋ ışınde ūsaq būzaqylyq, tynyştyqty būzu, alkogoldık ışımdıkterdı ışu nemese qoǧamdyq oryndarǧa masaŋ küide kelu, abattandyru qaǧidalaryn būzu, jolda jüru erejelerın būzu faktılerı bar.
Būl rette Alaköl kölınde demaluşylardyŋ qauıpsızdıgın qamtamasyz etu maqsatynda jaǧalau aumaǧynda täulık boiy kezekşılık ūiymdastyrylǧan. Būl jūmystarǧa 14 qūtqaruşy, 11 motorly qaiyq jūmyldyrylǧan. Oǧan qosa qosymşa oblystyq TJD mamandary aldyn alu şaralaryna tūraqty türde tartyluda. Sonymen qatar biylǧy şomylu mausymynda qoǧamdyq tärtıptı qamtamasyz etu üşın 50 polisiia qyzmetkerı, 16 qyzmettık avtokölık jäne 5 ūşqyşsyz dron tartylǧan. Sondai-aq, su kölıkterıne arnalǧan aiyp tūraǧy bar.
Sonymen qatar jaǧalau boiynda 40 qūtqaru mūnarasy ornatylyp, 13 şaqyrymǧa bui syzyqtary tartylǧan. Qauıpsızdıktı qamtamasyz etu maqsatynda jergılıktı poliianyŋ Jedel basqaru jüiesıne qosylǧan 39 beinebaqylau kamerasy jūmys ısteidı.
Eske salsaq, ötken jyly Alaköldegı şaǧyn jüzu qūraldarynyŋ qozǧalysyn retteu maqsatynda Jetısu oblysynda ortaq su paidalanu jäne su aidyndaryndaǧy qauıpsızdık qaǧidalary bekıtıldı. Atalǧan qaǧidalarda su aidyndaryndaǧy qauıpsızdık talaptary jan-jaqty tüsındırıldı, olardy saqtamaǧany üşın jauapkerşılık belgılendı.
Jürgızılıp jatqan profilaktikalyq jäne baqylau-qadaǧalau jūmystary azamattardyŋ su aidyndaryndaǧy qauıpsızdık deŋgeiın arttyruǧa, qūqyq būzuşylyqtardyŋ aldyn aluǧa, sondai-aq şomylu mausymy kezeŋınde tötenşe jaǧdailardyŋ tuyndau qaupın tömendetuge baǧyttalǧan.
