Europalyq Odaqqa müşe 22 eldıŋ köşbasşysy İspaniianyŋ Seuta eksklavyndaǧy migrasiialyq daǧdarysqa bailanysty EO basşylyǧynan «jedel jauap» berudı talap ettı. 1 tamyzda jariialanǧan bırlesken hatta zaŋsyz migranttardyŋ jappai aǧyluyna qatysty «eleulı alaŋdauşylyq» bıldırılgen, dep habarlaidy «Adyrna» tılşısı DW-ge sılteme jasap.
Qūjat Europalyq keŋestıŋ töraǧasy Antoniu Koştaǧa, Europalyq komissiianyŋ prezidentı Ursula fon der Liaienge jäne EO Keŋesıne töraǧalyq etıp otyrǧan İrlandiianyŋ premer-ministrı Mihol Martinge joldanǧan. Hatqa Litva, Latviia, Estoniia, İtaliia, Germaniia, Austriia, Chehiia, Grekiia, Malta, Kipr, Niderland, Polşa, Slovakiia, Şvesiia, Daniia, Bolgariia, Belgiia, Finliandiia, Vengriia, Rumyniia, Sloveniia jäne Horvatiia memleketterı men ükımetterınıŋ basşylary qol qoiǧan.
Hat avtorlary EO-nyŋ syrtqy şekaralarynyŋ tūtastyǧyn būzuǧa tyrysatyndardyŋ äreketterıne jol bermeuge bel buǧandaryn mälımdedı.
«Baqylausyz jappai şekara būzuşylyqtarǧa, migrasiiany saiasi qūral retınde paidalanuǧa nemese özge de gibridtık qaterlerge Europalyq Odaqqa zaŋsyz kıruge bolady, al zaŋsyz kelgen migranttyŋ märtebesı keiın zaŋdy tūruǧa ainaluy mümkın degen tüsınık qalyptastyruǧa jol bere almaimyz», – delıngen hatta.
Köşbasşylardyŋ pıkırınşe, mūndai tüsınık zaŋsyz şekara kesıp ötu äreketterın odan ärı yntalandyryp, ortaq migrasiialyq saiasatqa degen senımdı älsıretedı jäne barlyq müşe memleketge äser etedı.
EO köşbasşylary İspaniia men Marokko arasyndaǧy yntymaqtastyqty oŋ baǧalap, sonyŋ arqasynda zaŋsyz kelgen migranttardyŋ edäuır bölıgı kerı qaitarylǧanyn atap öttı. Olar Euroodaqtyŋ qoldauymen jaǧdai jaqyn arada tolyq tūraqtanady degen ümıt bıldırdı.
Sonymen qatar hat avtorlary İrlandiiany EO Keŋesıne töraǧalyq etuşı el retınde ışkı ıster ministrlerınıŋ kezekten tys otyrysyn şūǧyl şaqyruǧa ündedı. Jiynda ortaq europalyq jauap şaralaryn kelısıp, qoldau tetıkterın jūmyldyru jäne İspaniiaǧa qajettı kömek körsetu ūsynylǧan.
Soŋǧy ekı täulıkte Marokkomen şektesetın İspaniianyŋ Seuta eksklavyna şamamen 60 myŋ migrant zaŋsyz kırıp ketken. Eksklav halqynyŋ sany şamamen 85 myŋ adamdy qūraidy. Marokkodan Seutaǧa jüzıp ötpek bolǧan ondaǧan adam suǧa ketken. 1 tamyz küngı tüske qarai qaza tapqandar sany 67 adamǧa jettı. İspaniia Işkı ıster ministrlıgınıŋ mälımetınşe, şekarany būzyp ötkenderdıŋ basym bölıgı – 30 jasqa deiıngı jastar.
İspaniia premer-ministrı Pedro Sanches ondaǧan myŋ zaŋsyz migranttyŋ jappai ötuın elge jasalǧan şabuyl jäne memlekettıŋ aumaqtyq tūtastyǧyn būzu dep atady. Madrid 2021 jyldan berı alǧaş ret tärtıptı saqtau üşın eksklavqa äskeri küşter jıberdı.
31 şılde keşınde İspaniia ükımetı ondaǧan myŋ migranttyŋ qūrlyqtaǧy şekara arqyly öz erkımen Marokkoǧa qaitqanyn habarlady. Syrtqy ıster ministrı Hose Manuel Albarestıŋ aituynşa, daǧdarys ıs jüzınde eŋserılgen. Seutaǧa ötkenderdıŋ basym bölıgı sol uaqytqa deiın Marokkoǧa oralǧan. EFE agenttıgınıŋ mälımetıne säikes, soŋǧy ekı täulıkte kerı qaitqan zaŋsyz migranttar sany şamamen 70 myŋ adamǧa jetken.
Joǧary daiyndyq rejimı Soltüstık Afrikadaǧy taǧy bır ispan eksklavy – Meliliada da saqtaldy. Aqparattyq agenttıkterdıŋ habarlauynşa, 1 tamyzǧa qaraǧan tünı şamamen 500 adam Marokko jaǧynan ötıp ketuge äreket jasap, qūqyq qorǧau organdary qyzmetkerlerıne tas laqtyrǧan.
