Belgılı telejurnalist Erqanat Köpjasar «Qazaqstan» arnasynyŋ Almaty filialyna direktor boldy. Bügın Qazaqstan respublikalyq teleradiokorporasiiasy töraǧasynyŋ orynbasary Aizada Jamanqūlova «Qazaqstan» RTRK» Almaty qalasyndaǧy filialy ūjymyna jaŋa basşysyn tanystyrdy, dep habarlaidy "Adyrna".
Erqanat Köpjasar «Taŋşolpan», «Keş jaryq, Qazaqstan», «Aşyq alaŋ» habarlarynyŋ jürgızuşısı bolǧan.
Ol 1987 jyly düniege kelgen. Äl-Farabi atyndaǧy Qazaq ūlttyq universitetın jurnalistika mamandyǧy boiynşa tämamdaǧan.
Eŋbek jolyn 2012 jyly Qazaq radiosynyŋ «Äleumet» redaksiiasynda redaktor bolyp bastaǧan. Keiın Qazaq radiosynyŋ Almaty studiiasynda redaktor qyzmetın atqardy. 2017-2022 jyldar aralyǧynda «31 kanal» teleradiokompaniiasynyŋ «İnformbiuro» aqparattyq baǧdarlamalar bölımınde jetekşı tılşı boldy. 2022 jyldan berı «Qazaqstan» teleradiokorporasiiasynda, «Qazaqstan» ūlttyq telearnasynyŋ baǧdarlamalar öndırısı jönındegı direksiiasynda prodiuser-jürgızuşı jäne «Aşyq alaŋ» baǧdarlamasynyŋ jürgızuşısı qyzmetın atqaryp keldı.
