Qyzylorda oblysynyŋ äkımı Mūrat Ergeşbaev «Taza Qazaqstan» respublikalyq ekologiialyq aksiiasy aiasynda Qorqyt ata alleiasynda senbılıkke atsalysyp jatqan «Jasyl el» eŋbek jasaqtarynyŋ sarbazdarymen kezdestı.
Aimaq basşysy tabiǧatty qorǧau, qorşaǧan ortany taza ūstau örkeniettı qoǧamnyŋ basty qūndylyǧy ekenın atap öttı.
«Prezidentımız Qasym-Jomart Kemelūlynyŋ bastamasymen jüzege asyrylyp jatqan «Taza Qazaqstan» jalpyūlttyq ekologiialyq aksiiasy aiasynda öŋırımızde auqymdy jūmys atqaryluda.
Şılde aiynyŋ basynda küşıne engen halyqtyq Konstitusiiada tabiǧatty qorǧau, qorşaǧan ortaǧa ūqypty qarau qaǧidaty alǧaş ret zaŋ deŋgeiınde bekıtıldı. Endıgı jerde qorşaǧan ortaǧa janaşyrlyq tanytu – ärbır azamattyŋ konstitusiialyq paryzy.
Qyzylorda qalasyndaǧy ortalyq alaŋ, qalalyq mädeni-demalys parkı, Prezident saiabaǧy, bügıngı senbılık ötıp jatqan Qorqyt Ata saiabaǧynyŋ jaŋaşa kelbetke enuı – öŋırımızdıŋ äleumettık infraqūrylymyn jaŋǧyrtuǧa baǧyttalǧan jüielı saiasattyŋ jemısı.
Osyndai igı ısterdıŋ bel ortasynda ärdaiym «Jasyl el» eŋbek jasaǧynyŋ sarbazdary jüredı. «Jasyl el» – mausymdyq jūmys emes, jastardy eŋbekke baulityn, eljandylyqqa tärbieleitın, qoǧamdyq jauapkerşılıktı qalyptastyratyn ülken azamattyq mektep. Būl joba arqyly myŋdaǧan jas alǧaşqy eŋbek täjıribesın jinaqtap, tuǧan jerdıŋ damuyna sübelı ülesın qosyp keledı.
Biyl jobaǧa 21 jyl toldy. Osy uaqyt ışınde «Jasyl el» öz tiımdılıgın däleldep, jastar saiasatynyŋ eŋ tabysty jobalarynyŋ bırıne ainaldy. Tuǧan ölkemızdıŋ tazalyǧy men körkeiuı jolynda aianbai eŋbek etıp jürgen barşaŋyzǧa şynaiy rizaşylyǧymdy bıldıremın!», - dedı Mūrat Nälqojaūly.
Senbılıkte aimaq basşysy jastarmen ekologiialyq mädeniettı qalyptastyru jönınde erkın pıkır almasty.
Aita keteiık, ötken jyly «Jasyl el» eŋbek jasaǧynyŋ qatysuymen 118 saiabaq, skver, alleia jäne qoǧamdyq demalys oryndary kögaldandyrylyp, 12 gektar aumaq tūrmystyq qaldyqtan tazartyldy.
Biyl da 1200-den astam jas osy igı ıske atsalysyp, öŋırdıŋ tazalyǧy men körkeiuıne öz ülesın qosuda.
Jasaq sarbazdary arnaiy kiımdermen, qūral-jabdyqtarmen qamtylǧan.
Sonymen qatar, bügın oblys äkımı «KBİ» , «Bäiterek» şaǧyn audandary men Jappasbai batyr köşesındegı tazalyq, abattandyru jäne balalar oiyn alaŋdarynyŋ jaǧdaiyn, Saǧymbaev köşesın qaita jaŋǧyrtu jūmystaryn körıp, jauapty sala basşylaryna naqty tapsyrmalar jüktedı.
