Braziliiada 36 jastaǧy er adam 8 jastaǧy ūlyn jäne özın öltırudı josparlady degen küdıkpen qamauǧa alyndy. Būl turaly jergılıktı BAQ BILD basylymyna sılteme jasap jazdy, dep habarlaidy "Adyrna".
Tergeu mälımetınşe, küdıktı ekı aidan astam uaqyt boiy ChatGPT-pen söilesıp, öz josparyn egjei-tegjeilı talqylaǧan. Jüienıŋ qauıpsızdık mehanizmı äŋgımelerden qauıp belgılerın anyqtap, aqparatty OpenAI-ǧa jetkızgen. Keiın kompaniia būl mälımettı AQŞ Federaldy tergeu biurosyna (FBI) habarlaǧan. Al amerikalyq tarap aqparatty Braziliia qūqyq qorǧau organdaryna joldaǧan.
Derek Braziliia Ädılet ministrlıgınıŋ Ciberlab tehnologiialyq bölımşesıne 16 mausymda tüsken. Üş künnen keiın polisiia arnaiy operasiia ötkızıp, küdıktını ūstady. Tergeuşılerdıŋ aituynşa, er adam qylmysty 20 mausymda jasaudy josparlaǧan.
Tergeu barysynda onyŋ mūndai äreketke baruyna aliment töleuden jaltaru jäne ūlymen qarym-qatynasynyŋ bolmauy sebep bolǧany anyqtalǧan. Tıntu kezınde küdıktınıŋ üiınen belgısız sūiyqtyq qūiylǧan tört bötelke men arqan tabylǧan.
Er adam qamauda 54 kün otyrǧannan keiın, 13 tamyzda bosatyldy. Sot tergeudıŋ ūzaqqa sozylǧanyn eskerıp, ony ärı qarai qamauda ūstau qajettılıgı joq dep şeşken. Qazır küdıktı elektrondy bılezık taǧyp jür. Sondai-aq oǧan ūlyna jäne balanyŋ anasyna jaqyndauǧa tyiym salynǧan.
Küdıktınıŋ advokaty Pedro Pessi qorǧau tarapynyŋ ūstanymyn bıldırıp, ChatGPT-pen söilesudıŋ özı qylmys bolyp sanalmauy tiıs ekenın mälımdedı.
