Aqtöbe tūrǧyny polisei bolyp kiınıp, ötıp bara jatqan adamdardy tonaǧan. Būl turaly «Diapazon» basylymy jariialady, dep habarlaidy “Adyrna” ūlttyq portaly.
Aqparat boiynşa, bırınşı jaǧdaida ol köşede ketıp bara jatqan er adamǧa jaqyndap, özın polisiia qyzmetkerı retınde tanystyryp, qūjattaryn körsetudı sūraǧanı. Beitanys adam qorqyp ketıp, qolynda qūjattary bolmaǧandyqtan, telefony arqyly sifrlyq kuälıgın körsetken. Jalǧan polisiia qyzmetkerı qūjatty köru üşın telefondy qolyna alyp, ary qarai qaşyp ketken.
Taǧy bır jaǧdaida, ötıp bara jatqan adamnan qymbat symsyz qūlaqqaptaryn köredı. Ol özın sol ssenarii boiynşa polisiia qyzmetkerı retınde tanystyryp, däl osyndai qūlaqqaptar būryn ūrlanǧanyn aitady da imei kodyn salystyrudy sūraidy. Sodan ol polisiia bölımıne barudy ūsynady, bıraq jolda taksige qoŋyrau şalyp, qaşyp ketuge tyrysty. Qūlaqqap iesı jalǧan poliseidıŋ äreketın tüsınıp, jürgızuşıden toqtauyn ötınedı, alaida ūry qaşyp ülgeredı.
Degenmen jalǧan polisiia qyzmetkerı köp ūzamai qolǧa tüstı. Sot er adamdy zaŋsyz äreketı üşın bes jylǧa bas bostandyǧynan aiyrdy.
Ūqsas jaŋalyqtar
