AQŞ prezidentı Donald Tramp İranǧa qarsy auqymdy ekonomikalyq soǧys bastalǧanyn mälımdedı. Būl turaly ol 20 tamyzda özınıŋ Truth Social äleumettık jelısındegı paraqşasynda jazdy, dep habarlaidy «Adyrna» tılşısı.
«Bügın men eŋ joiqyn ekonomikalyq operasiiany bastaitynymdy jariialaimyn. Būl būryn-soŋdy bolmaǧan auqymdaǧy ekonomikalyq soǧys pen oqşaulau bolady», – dep jazdy Tramp.
Sonymen qatar ol İrandy qoldaityn nemese onymen biznes jürgızetın kez kelgen elge «asa qataŋ» sanksiialar salynatynyn eskerttı.
«İran tarapynan tönetın qauıp-qaterdı oqşaulap, jeŋu üşın barlyq odaqtasymyzdyŋ qoldauy qajet», – dep atap öttı Tramp.
Būǧan deiın AQŞ İrannyŋ mūnai, teŋız tasymaly jäne qarjy sektorlaryna auqymdy sanksiialar engızıp, Tegerannyŋ energiia resurstaryn eksporttaudan tüsetın tabysyn şekteuge tyrysqan bolatyn. Tramptyŋ soŋǧy mälımdemesı säuır aiynyŋ basynda jariialanǧan «Ekonomikalyq qahar» operasiiasy aiasyndaǧy qysym nauqanynyŋ jalǧasy boluy mümkın.
18 tamyzda Bırıkken Arab Ämırlıkterı İranmen barlyq sauda-sattyqty, kommersiialyq almasudy jäne qarjylyq operasiialardy qosymşa eskertuge deiın toqtatatynyn mälımdegen edı.
BAÄ bilıgı Tegerandy el aumaǧyna qarai ekı zymyran ūşyrdy dep aiyptap, şabuyldyŋ nysanasy teŋızdegı keme qatynasy bolǧanyn mälımdedı. İran būl aiyptaulardy joqqa şyǧardy.
