Qazaqstan Prezidentı Qasym-Jomart Toqaev özınıŋ aldaǧy prezident sailauyna qatysuy turaly qazırden pıkır aituǧa älı erte ekenın mälımdedı.
Būl turaly Qazaqstan Prezidentınıŋ baspasöz qyzmetı habarlady, dep jazdy "Adyrna".
«Konstitusiialyq sot osyndai şeşım qabyldady. Būl şeşım zaŋdy, tiısınşe menıŋ qaita sailanuǧa zaŋdy qūqyǧym bar. Bıraq aldaǧy sailau, sız aitqandai, sailauǧa baramyn ba, barmaimyn ba, qai jyly degen mäselege qatysty qazır pıkır aituǧa älı erte. Sebebı elımızdıŋ aldynda tūrǧan köptegen mındettı oryndauymyz kerek. Eŋ aldymen, bükıl Qazaqstandy, äsırese azamattarǧa qajettı äleumettık nysandar boiynşa, ülken qūrylys alaŋyna ainaldyruymyz qajet», – dedı Toqaev.
Prezident 2027 jyly özınıŋ prezident sailauyna qatysu-qatyspauyna qatysty naqtyraq jauap bere alatynyn aitty.
«Sondyqtan taǧy bır kezdesıp, söileseiık. Mümkın, kelesı jyly būl sūraqqa naqtyraq jauap berermın», – dedı Memleket basşysy.
Qazaqstan Konstitusiiasyna säikes, Prezident jetı jyldyq bır merzımge sailanady. Biyl jaŋa Konstitusiia qabyldanǧannan keiın Qazaqstannyŋ Konstitusiialyq soty qaita sailanu qazırgı Prezident üşın alǧaşqy prezidenttık merzım bolyp esepteletının mälımdegen. Osyǧan bailanysty Qasym-Jomart Toqaevtyŋ kelesı prezident sailauyna qatysuyna zaŋdy mümkındık bar.
Qazırgı Prezidenttıŋ ökılettık merzımı 2029 jyly aiaqtalady.
