Reseidıŋ Orynbor jäne Ufa qalalaryndaǧy Ozon kompaniiasynyŋ logistikalyq nysandaryna drondar şabuyl jasady, dep habarlaidy "Adyrna" tılşısı DW-ǧa sıltep.
Būl turaly kompaniia habarlady.
Ozon mälımetınşe, şabuyl kezınde barlyq qyzmetker qauıpsız jerge evakuasiialanǧan. Aldyn ala aqparat boiynşa, zardap şekkender joq jäne ört şyqpaǧan. Orynbordaǧy nysan jūmysyn qaita bastady. Al Ufadaǧy logistikalyq keşen azdap zaqymdanǧandyqtan, uaqytşa jabyldy. Qazır nysan aumaǧyn tekseru jūmystary jürgızılıp jatyr. Jetkızuşılerden tauar qabyldau uaqytşa toqtatylǧan, al tauarlardyŋ bır bölıgı basqa nysandarǧa baǧyttaluda. Orynbor oblysynyŋ gubernatory Evgenii Solnsevtıŋ mälımetınşe, öŋırde äue qauıpsızdıgıne bailanysty «Kover» jospary engızılıp, keiın alynyp tastaldy. Orynbor jäne Orsk äuejailary ştattyq rejimde jūmysyn jalǧastyrdy.
Būl Ozon nysandaryna soŋǧy künderı jasalǧan bırneşe şabuyldyŋ bırı. Būǧan deiın Samara oblysynyŋ Chapaevsk qalasyndaǧy, Orynbor, Adygeia, Stavropol ölkesı men Daǧystandaǧy kompaniianyŋ logistikalyq nysandaryna drondar şabuyl jasaǧan.
