Erlan Qarin vise-prezident, iaǧni memlekettık ekınşı adamy bolyp sailandy. Būl turaly bügın, 31 tamyzda Aqorda jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Erlan Tynymbaiūly Qarin Qazaqstan Respublikasynyŋ Vise-Prezidentı bolyp taǧaiyndaldy, ol būrynǧy atqarǧan lauazymynan bosatyldy»,– delıngen habarlamada.
Erlan Qarin Prezident äkımşılıgı basşysynyŋ bırınşı orynbasary, onyŋ aldynda memleketık keŋesşı qyzmetın atqarǧan.
141 deputat Erlan Qarinnıŋ kandidaturasyn qoldap dauys berse, 4 deputat qalys qalǧan.
Al Oljas Bektenov memleket basşysynyŋ jarlyǧymen qaita premer-ministr lauazymyna taǧaiyndaldy. Qūryltai deputattarynyŋ 138-ı Oljas Bektenovtıŋ kandidaturasyn qoldady, jeteuı qalys qaldy.
Prezident Qasym-Jomart Toqaev biyl qaŋtarda Qyzylordada ötken Ūlttyq qūryltai jiynynda memlekettık keŋesşı qyzmetı joiylyp, vise-prezident qyzmetı engızıletının aitqan bolatyn. Osyny aitqanda el basşysy sol kezdegı memlekettık keŋesşı Erlan Qaringe qarata " I’m really sorry",- dep qaljyŋdaǧan.
Qazaqstanda täuelsızdık alǧan alǧaşqy jyldary vise-prezident instituty bolǧan edı. Būl qyzmet 1991 jyly engızılıp, 1996 jyly joiylǧan. Sol kezdegı vise-prezident Erık Asanbaev qyzmetınen bosatylyp, institut tolyǧymen memlekettık basqaru jüiesınen alynyp tastalǧan. Endı araǧa şamamen 30 jyl salyp, būl lauazym qaita oraldy.
Qazaqstannyŋ biyl qabyldanǧan jaŋa Konstitusiiasy boiynşa vise-prezident Qūryltaimen, Ükımetpen jäne basqa da memlekettık organdarmen özara ıs-qimyl jasau kezınde Prezident atynan ökıldık etedı, sondai-aq Prezident aiqyndaityn özge de ökılettıkterdı jüzege asyrady. Prezident öz erkımen ornynan tüsuıne, densaulyq jaǧdaiyna qarai öz mındetterın atqaruǧa tūraqty qabıletınıŋ bolmauyna nemese qyzmetınen ketırıluıne bailanysty merzımınen būryn lauazymynan bosatylǧan, sondai-aq qaitys bolǧan jaǧdaida onyŋ ökılettıgı vise-prezidentke ötedı. Bıraq vise-prezidenttıŋ densaulyq jaǧdaiyna nemese jeke sipattaǧy özge de sebepterge bailanysty Prezident ökılettıgın qabyldauy mümkın bolmasa, Prezident ökılettıgı Qūryltai töraǧasyna ötedı. Al Prezident ökılettıgın Qūryltai töraǧasynyŋ qabyldauy mümkın bolmaǧan kezde ökılettık premer-Ministrge jükteledı.
