«Qazaq gazetterı» JŞS bas direktory bolyp Baitıles Erjan Aitöreūly taǧaiyndaldy, dep habarlaidy "Adyrna”.
Erjan Baitıles 1981 jyly Qyzylorda oblysynda düniege kelgen. Äl-Farabi atyndaǧy Qazaq ūlttyq universitetın jurnalistika mamandyǧy boiynşa tämamdaǧan.
Qarymdy qalamger «Almaty aqşamy», «Alty Alaş», «Ana tılı», «Egemen Qazaqstan» sekıldı elımızdıŋ ırgelı basylymdarynda tılşı qyzmetın atqaryp, jurnalistikanyŋ barlyq satysynan öttı.
2008-2011 jyldary respublikalyq «Ana tılı» gazetı bas redaktorynyŋ bırınşı orynbasary boldy. Keiın respublikalyq «Egemen Qazaqstan» gazetınıŋ Qyzylorda oblysyndaǧy menşıktı tılşısı bolyp jūmys ıstegen.
2018-2019 jyldary «Nur Otan» partiiasy Qyzylorda oblystyq filialy töraǧasynyŋ orynbasary boldy.
2019 jyly Prezidenttıŋ baspasöz qyzmetı sektorynyŋ meŋgeruşısı, 2021 jyldan 2023 jylǧa deiın Memlekettık keŋesşı Hatşylyǧy meŋgeruşısınıŋ orynbasary qyzmetın atqardy.
Al 2023 jyldan Prezident Baspasöz hatşysynyŋ orynbasary qyzmetın atqardy.
Aita keteiık, būǧan deiın «Qazaq gazetterı» JŞS-ın professor, ŪǦA akademigı Dihan Qamzabekūly 2022 jyldan berı basqaryp keldı.
