Foto: Maxar Technologies/AFP
AQŞ şılde aiynyŋ soŋynan berı alǧaş ret İran aumaǧyndaǧy nysandarǧa äue soqqysyn jasady. Bild mälımetınşe, şabuyl Ormuz būǧazyndaǧy Larak aralynda ornalasqan ekı zymyran keşenıne baǧyttalǧan, dep habarlaidy “Adyrna”.
Vaşingtonnyŋ mälımdeuınşe, atalǧan nysandardy İrannyŋ İslam revoliusiiasy saqşylar korpusy paidalanyp, teŋız minalaryn ornalastyruǧa arnalǧan zymyrandardy ūşyruǧa daiyndyq jürgızgen. İran tarapy soqqy saldarynan qaza tapqandar men jaralanǧandar bar ekenın rastaǧanymen, olardyŋ naqty sanyn jariialaǧan joq.
AQŞ-tyŋ äreketıne jauap retınde Tegeran İordaniia aumaǧyndaǧy amerikalyq ekı äskeri bazaǧa ballistikalyq zymyrandar jıbergenın mälımdedı. Al İordaniianyŋ Petra agenttıgı eldıŋ qaruly küşterı äue keŋıstıgıne kırgen segız zymyrandy ūstap, joiǧanyn habarlady.
Būǧan deiın AQŞ prezidentı Donald Tramp Ormuz būǧazyna qaitadan mina ornatuǧa äreket jasaityn kez kelgen irandyq kemege qarsy qataŋ şara qoldanylatynyn eskertken. Tramp būl ūstanymdy «nöldık tözımdılık» saiasaty dep atap, amerikalyq äskeri küşter halyqaralyq sulardy minalardan tazartu jūmystaryn jürgızgenın aitqan.
Soǧan qaramastan, Vaşington teŋız qatynasy qaita jandandy dep mälımdegenımen, Ormuz būǧazy arqyly ötetın keme qozǧalysy älı de soǧysqa deiıngı körsetkışten edäuır tömen deŋgeide qalyp otyr.
