Şymkentte Memleket basşysy Qasym-Jomart Toqaevtyŋ «Ädılettı qoǧamǧa şynşyl söz» atty taŋdauly sözderınıŋ jinaǧy keŋınen talqylandy.
«Qyzǧaldaq» kongress-holynda ötken alqaly jiynǧa ziialy qauym ökılderı, ǧalymdar, sarapşylar, qoǧam jäne memleket qairatkerlerı, sondai-aq biznes pen şyǧarmaşylyq sala ökılderı qatysty. Prezidenttıŋ el damuyna qatysty baiypty paiymdary men taŋdamaly oi-tolǧamdary jinaqtalǧan jaŋa basylym jinalǧandar tarapynan joǧary baǧaǧa ie boldy.
Alqaly jiynǧa Şymkent qalasy äkımınıŋ orynbasary Särsen Qūranbek moderatorlyq ettı. Ol öz sözınde Prezidenttıŋ är jyldardaǧy sözderın tūtas dinamikada körudıŋ maŋyzyna toqtaldy.
Memleket basşysynyŋ är kezeŋdegı oi-tolǧamdary bır arnaǧa toǧysqanda, eldıŋ damu belesterı men betbūrysty şaqtary aiqyn körınıs tabatynyn atap öttı.
Jiynda J.Taşenov atyndaǧy universitettıŋ Basqarma töraǧasy, QR ŪǦA akademigı Oŋalbai Aiaşev bılım men ǧylymnyŋ maŋyzyna toqtaldy. Bügınde bılım el damuynyŋ basty basymdyǧyna ainalǧanyn aitqan ol jastardyŋ mamandyq taŋdaudaǧy jäne el bolaşaǧy aldyndaǧy jauapkerşılıgın söz ettı. Al Şymkent qalalyq Tılderdı oqytu ädıstemelık ortalyǧynyŋ direktory Amangeldı İmanqūlov ūlttyq qūndylyqtar men ana tılınıŋ taǧdyryna toqtaldy. Onyŋ aituynşa, ana tılı — ūlttyŋ jady men ūrpaqtar sabaqtastyǧynyŋ altyn köpırı.
Qazaqstan Jazuşylar odaǧynyŋ müşesı, aqyn ärı audarmaşy Abai Qalşabek söz qadırı men jauapkerşılıgı turaly oi tolǧady. Qalamy qarymdy qalamger üşın ärbır söz — adaldyq pen şynaiylyqtyŋ ölşemı ekenın jetkızdı.
Basqosuda «Ädılettı qoǧam tek zaŋdarmen emes, azamattardyŋ bır-bırıne degen senımımen, jauapkerşılıgımen qalyptasady» degen pıkır jiı aityldy. Täuelsızdık jyldaryndaǧy el salǧan sara jolǧa üŋılsek, qoǧam men ekonomika qanşa özgergenımen, ädılettılık, zaŋdylyq pen bılım sapasy ärdaiym basty orynda qala bermek.
Basylymda ädılettılık, zaŋ üstemdıgı, ūlttyq bıregeilık, bılım, sifrlandyru jäne ekologiialyq mädeniet siiaqty 21 negızgı baǧyt qamtylǧan. Qatysuşylardyŋ aituynşa, jinaq zamanaui memlekettık saiasattyŋ negızgı baǧdarlaryn aiqyndap beredı. Kıtaptyŋ jastar, memlekettık qyzmetşıler men Ūlttyq qūryltai deputattary üşın de maŋyzy zor.
Jiyn barysynda Qazaqstannyŋ eŋbek sıŋırgen zaŋgerı, professor Beket Tūrǧaraev ta jürekjardy lebızın bıldırdı:
— Būl — Memleket basşysynyŋ köpjyldyq eŋbegı men el damuyna qatysty qūndy oilary jinaqtalǧan öte maŋyzdy eŋbek. Kıtapty zor yqylaspen oqyp şyqtym. Ärıptesterıme, dostaryma jäne balalaryma "Ädılettı qoǧamǧa şynşyl söz" kıtabyn oqudy jüktedım, tıptı är şaŋyraqtyŋ üstel üstı kıtabyna ainaldyrudy ūsyndym, — dedı ol.
Aita ketu kerek, Prezident kıtaby būǧan deiın Almaty, Atyrau, Pavlodar, Qaraǧandy jäne Soltüstık Qazaqstan oblystarynda talqylanǧan bolatyn. Şaranyŋ «Qyzǧaldaq» kongress-holynda ötuınıŋ de özındık maŋyzy bar. 2025 jyldyŋ säuır aiynda Şymkentke jasaǧan sapary kezınde Qasym-Jomart Toqaev būl ǧimaratqa «Qyzǧaldaq» atauyn beru ūsynysyn qoldaǧan edı. Bügınde şahardyŋ basty mädeni ortalyǧyna ainalǧan būl saraida ūlt bolaşaǧy men ädılettılık jaiynda salmaqty oilar aityldy.
Jiyn soŋynda qatysuşylar özara pıkır almasyp, ūsynystaryn ortaǧa saldy.
