Transkaspii halyqaralyq kölık baǧyty boiynşa tasymaldau kölemı 8 aida 22 paiyzǧa östı. Būl turaly Kölık vise-ministrı Jänıbek Taijanov aitty, dep habarlaidy «Adyrna» tılşısı.
Ministr 7–8 qyrküiek künderı Batumi qalasynda ötken Gruziia halyqaralyq teŋız forumyna qatysqan. Forum barysynda halyqaralyq kölık dälızderın damytu, Europa men Aziia arasyndaǧy kölık-logistikalyq bailanystardy nyǧaitu, sondai-aq kölık salasyn sifrlandyru mäselelerı talqylanǧan.
Forumnyŋ alǧaşqy künınde Jänıbek Taijanov «Teŋızderden dälızderge: älemdık saudanyŋ jaŋa geografiiasy» atty paneldık sessiiada söz söilegen. Talqylau barysynda Orta dälızdı damytuǧa, teŋız, temırjol jäne port kölıgın özara yqpaldastyruǧa, sondai-aq halyqaralyq jetkızu tızbekterınıŋ mobildılıgı men tiımdılıgın arttyruǧa erekşe nazar audarylǧan.
Vise-ministr Transkaspii halyqaralyq kölık marşrutynyŋ (THKM) damuyndaǧy oŋ dinamikany atap ötken. Biylǧy 8 aidyŋ qorytyndysy boiynşa THKM arqyly tasymal kölemı 22%-ǧa artqan. Al Şyǧys–Batys baǧyty boiynşa tranzittık tasymal 55%-ǧa ösken.
Is-şara aiasynda port infraqūrylymyn damytu, teŋız kölıgı salasyndaǧy halyqaralyq yntymaqtastyq, salany sifrlyq transformasiialau, navigasiia men keme qatynasy qauıpsızdıgın jetıldıru, sondai-aq teŋız sektorynda «bır tereze» qaǧidatyn qoldanu mäselelerı de talqylanǧan.
Sonymen qatar Jänıbek Taijanov forum aiasynda beiındı ministrlıkter men vedomstvolardyŋ, sondai-aq biznes ökılderımen ekıjaqty kezdesuler ötkızgen. Kezdesuler barysynda kölık-logistika salasyndaǧy yntymaqtastyqty odan ärı damytu, Orta dälız arqyly jük aǧynyn arttyru jäne kölık prosesterın sifrlandyru mäselelerı talqylanǧan.
