Sankt-Peterburg metrosynyŋ toǧyz stansiiasy azamattyq qorǧanys panasy retınde paidalanuǧa beiımdeluı mümkın. Būl joba aiasynda tört arnaiy bölık pen jalpy ūzyndyǧy şamamen 35 şaqyrym bolatyn metro joldaryn da qamtu josparlanyp otyr, dep habarlaidy “Adyrna”.
«Fontanka» basylymynyŋ memlekettık satyp alular portalyndaǧy mälımetterge süienıp habarlauynşa, 10 qyrküiekte Sankt-Peterburg metropolitenı bolaşaq jūmystardyŋ tehnikalyq-ekonomikalyq negızdemesın äzırleitın merdıgerdı ızdeudı bastaǧan. Merdıger metro nysandarynyŋ qaisysyn qaita salu, qaisysyna qosymşa jabdyq ornatu jäne qandai nysandardy azamattyq qorǧanys panasyna beiımdeu qajettıgın anyqtauy tiıs.
Joba barysynda yqtimal qauıpter de esepke alynbaq. Atap aitqanda, jer asty sulary deŋgeiınıŋ özgeruı, qaladaǧy qūrylys aumaǧynyŋ ūlǧaiuy jäne jabdyqtardyŋ eskıruı nazarǧa alynuy kerek. Sonymen qatar azamattyq qorǧanys nysandary üşın tehnogendık apat pen ört siiaqty ekı tötenşe jaǧdai ssenariiı qarastyrylmaq.
Pana retınde paidalanylatyn nysandardyŋ jeldetu jüiesıne de erekşe talap qoiylǧan. Eger qorǧanys ornyna lastanǧan aua ense, jeldetu jüiesı ony radioaktivtı şaŋnan, aerozolderden jäne uly zattardan tiımdı tazartudy qamtamasyz etuı tiıs.
Būl Sankt-Peterburg metrosynyŋ azamattyq qorǧanys infraqūrylymyna qatysty alǧaşqy qadamy emes. Osy jyldyŋ nauryz aiynda metropoliten osyndai qūjattamany äzırleu qyzmetterınıŋ baǧasyna monitoring jürgızgen.
Sonymen qatar Sankt-Peterburg qalasynda qoldanystaǧy qorǧanys panalaryn tügendeu jūmystary jürgızılıp jatyr. 2025 jyly qala bilıgı azamattyq qorǧanys nysandary ornalasqan 2633 mekenjaidy teksergen. Olardyŋ qatarynda jeke tūrǧan nysandarmen bırge tūrǧyn üilerdıŋ ışındegı panalar da bar. Sol kezde qaladaǧy tiıstı komitet qorǧanys nysandarynyŋ basym bölıgı jöndeudı qajet etetının mälımdegen.
Al 2026 jyldyŋ jazynan bastap Sankt-Peterburgte betonnan jasalǧan qorǧanys panalaryn ornatu jūmystary bastalǧan. Alǧaşqy nysandar Kronştadta paida boldy. Būl aumaqta Baltyq flotynyŋ maŋyzdy bazalarynyŋ bırı ornalasqan.
Kronştadt būǧan deiın de bırneşe ret şabuyl nysany bolǧan. Mäselen, 3 mausymda qalada jöndeude tūrǧan Resei äskeri-teŋız küşterınıŋ «Boikii» korvetıne soqqy jasalǧan. Būǧan deiın būl keme Reseidıŋ «köleŋkelı floty» qūramyndaǧy tankerlerdı alyp jüru kezınde baiqalǧan.
Osylaişa, Sankt-Peterburgtegı metro stansiialaryn azamattyq qorǧanys nysandaryna beiımdeu jospary qaladaǧy qorǧanys infraqūrylymyn qaita qarau jäne qoldanystaǧy panalardyŋ jaǧdaiyn baǧalau jūmystary qatar jürıp jatqanyn körsetedı.
Aita keteiık, būǧan deiın Mäskeu bilıgı de qalanyŋ üş audanyndaǧy toǧyz bombadan qorǧanu orynyn kürdelı jöndeuge 39 million rubl (şamamen 420 myŋ AQŞ dollary – red.) bölgenın habarladyq.
Jöndeu jūmystary Azovskaia, Bolotnikovskaia jäne Nagornaia köşelerınde, sondai-aq Lenin daŋǧylynda ornalasqan nysandarda jürgızılmek. Joba aiasynda kıreberıster, araqabyrǧalar men esıkter qalpyna keltırılıp, ışkı ärleu jaŋartylady. Sonymen qatar sumen jabdyqtau, elektrmen qamtu, kärız, jeldetu jäne bailanys jüielerı jöndeledı. Jūmystardy 30 qaraşaǧa deiın aiaqtau josparlanǧan.
