Biyl Otbasy künı aiasynda elımızdıŋ barlyq öŋırınde 12 myŋǧa juyq adamdy qamtyǧan myŋnan astam ıs-şara ötkızıldı. Otbasylyq jäne ūlttyq qūndylyqtardy därıpteuge, ata-analardyŋ bala tärbiesıne qatysty bılımı men daǧdysyn arttyruǧa, balalar men jastardyŋ densaulyǧyn nyǧaituǧa, sondai-aq tūrmystyq zorlyq-zombylyqtyŋ aldyn aluǧa baǧyttalǧan taqyryptyq aksiialar, kezdesuler, seminarlar men aǧartuşylyq ıs-şaralar ūiymdastyryldy.
Otbasy institutyn nyǧaitu – Prezident Qasym-Jomart Toqaevtyŋ airyqşa nazaryndaǧy memlekettık saiasattyŋ basym baǧyttarynyŋ bırı. Būl rette Qazaqstan Respublikasynyŋ jaŋa Konstitusiiasynyŋ maŋyzy erekşe. Onda neke zaŋda belgılengen tärtıppen memleket tırkegen er men äieldıŋ erıktı ärı teŋ qūqyqty odaǧy retınde aiqyndalǧan.
Sonymen qatar 2024 jyly äielderdıŋ qūqyqtary men balalardyŋ qauıpsızdıgın qamtamasyz etu mäselelerı jönındegı Qazaqstan Respublikasynyŋ Zaŋy qabyldandy. Qūjatqa säikes tūrmystyq zorlyq-zombylyq üşın qylmystyq jauapkerşılık engızılıp, balalarǧa qatysty zorlyq-zombylyqtyŋ barlyq türı üşın jauapkerşılık küşeitıldı.
Osy zaŋnamalyq normalardy ıske asyru aiasynda tūrmystyq zorlyq-zombylyqtyŋ aldyn aluǧa, otbasy institutyn nyǧaituǧa jäne kämeletke tolmaǧandardyŋ qauıpsızdıgın qamtamasyz etuge arnalǧan keşendı şaralar äzırlendı.
Otbasylarǧa körsetıletın atauly kömektı küşeitu maqsatynda Otbasyn qoldau ortalyqtarynyŋ jūmysy jaŋǧyrtyldy. Qazır elımızde osyndai 160 ortalyq jūmys ısteidı. Aldaǧy uaqytta olardyŋ sanyn 208-ge jetkızıp, Qazaqstannyŋ ärbır audany men qalasynda aşu josparlanyp otyr.
2026 jyldyŋ basynan berı Otbasyn qoldau ortalyqtaryna 50 myŋnan astam azamat jügındı. 43 myŋnan astam otbasyna konsultasiialyq kömek körsetılıp, 6 myŋǧa juyq otbasy ūzaq merzımdı äleumettık süiemeldeuge alyndy.
Būl ortalyqtar otbasylarǧa keşendı kömek körsetıp keledı. Sondai-aq olar äleumettık qaterlerdıŋ aldyn aluǧa yqpal etıp, qiyn ömırlık jaǧdaiǧa tap bolǧan azamattarǧa qoldau bıldıredı.
Būdan bölek, Otbasy jäne neke institutyn saqtau men nyǧaitu jönındegı 2025-2027 jyldarǧa arnalǧan ıs-şaralar jospary äzırlenıp, qabyldandy. Qūjat ajyrasudyŋ aldyn aluǧa, azamattardyŋ otbasylyq ömırge sanaly türde daiyndaluyna jäne jauapty ata-ana mädenietın qalyptastyruǧa baǧyttalǧan.
Qazaqstan Respublikasy Mädeniet jäne aqparat ministrlıgınıŋ qoldauymen jüzege asyrylyp jatqan «Ata-analar akademiiasy» jobasy da jalǧasyp keledı. Onyŋ maqsaty – otbasy institutyn nyǧaitu, ata-analardyŋ bala tärbiesıne qatysty bılımı men daǧdysyn arttyru jäne jauapty tärbie mädenietın qalyptastyru.
2026 jyly joba aiasynda elımız boiynşa 40 myŋnan astam adamdy qamtu josparlanǧan. Olardyŋ qatarynda ata-analar, pedagogter jäne äleumettık sala mamandary bar.
Memlekettık otbasy saiasaty aiasynda eŋbek pen otbasylyq mındetterdı qatar alyp jüruge qolaily jaǧdai jasau şaralary da jüielı türde jüzege asyrylyp keledı.
Mäselen, Mädeniet jäne aqparat ministrlıgı BŪŪ-nyŋ Halyqtyŋ qonystanuy salasyndaǧy qorymen bırlesıp, «Otbasyna qolaily jūmys orny» jobasyn jüzege asyryp keledı. Bastama qyzmetkerlerdıŋ otbasylyq jaǧdaiy men mındetterı eskerıletın korporativtık mädeniettı damytuǧa jäne jūmys ısteitın ata-analardy qoldauǧa baǧyttalǧan.
2026 jyly memlekettık organdar men jūmys beruşılerdıŋ ökılderıne arnalǧan oqytu baǧdarlamasy ıske qosyldy. Baǧdarlama ūiymdarda otbasylyq mındetterdı eskeretın jūmys täsılderın engızudı közdeidı.
Būl şaralar otbasyndaǧy bırlık pen qoldaudy küşeitıp, onyŋ qauıpsızdıgı men äl-auqatyna qamqorlyq jasauda memleket pen qoǧamnyŋ ortaq jauapkerşılıgın arttyrudy közdeidı.
