Foto: Rolisia.kz
Qazaqstanda ǧimarattarǧa graffiti, türlı jazular men suretter salǧany üşın jaŋa aiyppūl engızu josparlanyp otyr. Osyǧan bailanysty zaŋnamaǧa özgerıster daiyndau jönınde Işkı ıster ministrlıgıne Premer-ministr Oljas Bektenov tapsyrma berdı. Būl turaly ol 21 qyrküiekte ötken Ükımet otyrysynda mälımdedı, dep habarlaidy "Adyrna".
«Qoǧamdyq oryndarǧa ziian keltıretın graffitidıŋ barlyq türıne tolyq tyiym salu, vandalizm men būzaqylyqtyŋ aldyn alu maqsatynda zaŋnamaǧa özgerıster engızu boiynşa ūsynystar äzırleu qajet», – dedı Oljas Bektenov.
Işkı ıster ministrı Erjan Sadenovtıŋ aituynşa, Qazaqstanda eskertkışter men tabiǧi nysandardy qorlau faktılerı boiynşa 11 qylmystyq ıs tergelgen.
Sonymen qatar polisiia qyzmetkerlerı volonterlermen bırge esırtkı jarnamasy jazylǧan şamamen 80 myŋ jazudy joiǧan.
Ministrdıŋ mälımetınşe, esırtkını nasihattau jäne jarnamalau faktılerı boiynşa elımızde barlyǧy 81 qylmystyq ıs qozǧalyp, onyŋ ışınde 19 adam sottalǧan.
Ükımettegı būl jiyn Prezident Qasym-Jomart Toqaevtyŋ «Taza Qazaqstan» ekologiialyq aksiiasy aiasyndaǧy sözınen bırneşe kün ötken soŋ öttı.
Memleket basşysy sol kezde qoǧamdyq ǧimarattarǧa graffiti saluǧa tyiym engızu jönınde bırqatar tapsyrma bergen bolatyn.
Prezidenttıŋ baspasöz qyzmetı habarlaǧandai, Qasym-Jomart Toqaev qalalardaǧy qoǧamdyq aumaqtardyŋ syrtqy körınısın būzatyn mūndai äreketterge jol bermeu üşın zaŋnamalyq jäne normativtık şaralar qabyldau qajet ekenın aitqan.
Qazaqstanda graffitige bailanysty bırneşe rezonansty jaǧdai bolǧan.
Mysaly, ötken jyly Astanada belgısız adamdar LRT vagondaryna suretter men jazular salǧan. Is polisiiaǧa berılıp, vagondardaǧy jazular arnaiy qūraldardyŋ kömegımen tazartylǧan.
Būǧan deiın bırneşe jyl būryn belgısız adamdar Baiqoŋyr ǧaryş ailaǧyna kırıp, salynyp bıtpegen «Buran» ǧaryş kemesıne graffiti salǧan.
Qazırgı taŋda jaŋa şekteulerdıŋ qala köşelerınde paida bolatyn muraldarǧa qatysty bola ma, joq pa – naqty belgısız.
Qazaqstan qalalarynda qoǧamdyq maŋyzy bar taqyryptarǧa arnalǧan ülken qabyrǧa suretterı – muraldar jiı salynyp tūrady.
Mysaly, jaqynda Almaty qalasyndaǧy Mūstafin köşesınde Kök-Jailau şatqalyn qorǧauǧa arnalǧan mural ornalastyrylǧan.
Aldaǧy uaqytta zaŋnamaǧa engızıletın özgerıster graffitidıŋ qandai türlerıne qatysty bolatyny jäne rūqsat etılgen öner tuyndylarynyŋ märtebesı qalai anyqtalatyny qosymşa tüsındırıluı mümkın.
