AQŞ-tyŋ Sent-Luis qalasyndaǧy balalar klinikasynda bas süiegı bıtısıp tuǧan ekı jasar siam egızderı Hiiab pen Vuhbtoǧa kürdelı operasiia jasaldy, dep habarlaidy "Adyrna" tılşısı ABC News-ke sıltep.
Hirurgter qyzdardy sättı ajyratqan.
Operasiia 24 saǧattan astam uaqytqa sozylǧan. Oǧan ärtürlı medisinalyq baǧyttaǧy mamandardan qūralǧan köpsalaly därıgerler toby qatysty.
Egız qyzdar Efiopiiada düniege kelgen. Olar operasiiaǧa deiıngı daiyndyqtan ötu üşın 2025 jylǧy nauryzda AQŞ-qa kelgen. 2026 jylǧy nauryzda qyzdar ekı jasqa tolǧan.
Qazır Hiiab pen Vuhbto Merilend-Haits qalasyndaǧy Ranken Djordan pediatriialyq ortalyǧynda qarqyndy em alyp, oŋaltu kezeŋınen ötıp jatyr. Därıger Nik Houlkamptyŋ aituynşa, olardyŋ jaǧdaiynda oŋ dinamika baiqalady.
Qyzdar jeke oŋaltu jattyǧularyna qatysyp jür. Operasiiaǧa deiın oryndai almaǧan qarapaiym äreketterdı meŋgere bastaǧan. Atap aitqanda, olar tık otyra alady. Sonymen qatar özdıgınen tamaqtanu, söileu jäne bır-bırımen qarym-qatynas jasau daǧdylaryn damytyp, bırge oinauǧa üirenıp jatyr. Aldaǧy uaqytta mamandar olardyŋ özdıgınen tūryp, qozǧalu qabıletın qalyptastyrudy közdep otyr.
Därıgerdıŋ aituynşa, bas süiegı tūsynan bıtısıp tuǧan egızderdı ajyratu – sirek kezdesetın ärı kürdelı medisinalyq jaǧdailardyŋ bırı. Mūndai operasiiaǧa ärtürlı saladaǧy hirurgter men medisina mamandary qatysady jäne odan keiın ūzaq oŋaltu kezeŋı qajet.
