Kaspii teŋızındegı äskeri oqu-jattyǧu kezınde qūtqarylǧan üşınşı äskeri qyzmetşınıŋ jaǧdaiy belgılı boldy. Būl turaly Qorǧanys ministrlıgınıŋ baspasöz qyzmetı mälımdedı, jep habarlaidy "Adyrna".
Vedomstvonyŋ mälımetınşe, aman qalǧan äskeri qyzmetşı – Batys Qazaqstan oblysynyŋ tūrǧyny Nikita Udalov. Qazır ol därıgerlerdıŋ baqylauynda. Ministrlık onyŋ jaǧdaiy jaqsy ekenın habarlady.
Būǧan deiın oqiǧadan aman qalǧan taǧy ekı äskeri qyzmetşınıŋ aty-jönı belgılı bolǧan. Olar – Atyrau oblysynyŋ tūrǧyny Beket Quandyq jäne Maŋǧystau oblysynyŋ tūrǧyny Aqjol Temırhan.
Aqjol Temırhan oqiǧadan keiın auyr jaǧdaida auruhanaǧa jetkızılıp, jansaqtau bölımıne jatqyzylǧan. Keiın esın jiyp, jaǧdaiy tūraqtanǧan. Qazır ol da därıgerlerdıŋ baqylauynda.
Beket Quandyqtyŋ densaulyq jaǧdaiy da qanaǧattanarlyq. Qorǧanys ministrlıgınıŋ mälımetınşe, äskeri qyzmetşı medisinalyq baqylauda.
Eske salaiyq, 2026 jylǧy 24 qyrküiekte Kaspii teŋızındegı äskeri oqu-jattyǧu kezınde qaiǧyly jaǧdai bolyp, 14 sarbaz qaza tapty. Üş äskeri qyzmetşı qūtqarylǧan.
Oqiǧaǧa bailanysty qylmystyq ıs qozǧalyp, tergeu amaldary jürgızılıp jatyr. Qylmystyq ıs qyzmetke salǧyrt qarau jäne korabl jürgızu qaǧidalaryn būzu faktılerı boiynşa tergelude.
Tergeu aiasynda Qazaqstan Respublikasy Qaruly Küşterınıŋ joǧary jäne aǧa komandalyq qūramyndaǧy jauapty lauazymdy tūlǧalar ūstaldy. Olar auyr zardaptarǧa äkep soqqan qylmystyq qūqyq būzuşylyqtar jasady degen küdıkke ılındı.
Qorǧanys ministrı, aviasiia general-leitenanty Däuren Qosanov kınälı tūlǧalar zaŋ aldynda jauap beretının mälımdedı.
Qaza tapqan äskeri qyzmetşılerdıŋ otbasylaryna kömek körsetu maqsatynda jinalǧan qarajatty arnaiy komissiia böledı.
Qaiǧyly oqiǧaǧa bailanysty Aqtau qalasynda josparlanǧan bırqatar merekelık ıs-şara da ötkızılmeitını habarlanǧan bolatyn.
