Qazaqstan qūramasy HH jazǧy Aziia oiyndarynda kezektı altyn medalǧa qol jetkızdı. Semserlesudıŋ sapy baǧdarlamasynda öner körsetken erler qūramasy finalda Oŋtüstık Koreia sportşylaryn jeŋıp, jarystyŋ bas jüldesın ielendı, dep habarlaidy "Adyrna".
Finaldyq bäseke tartysty ötıp, qazaqstandyq semserlesuşıler qarsylasyn 43:42 esebımen ūtty. Qūrama sapynda Vadim Şarlaimov, Erlık Sertai, Kirill Prohodov jäne Ruslan Kurbanov öner körsettı.
Qazaqstandyq semserlesu şeberlerı üşın būl — Aziia oiyndaryndaǧy sapy baǧdarlamasyndaǧy üşınşı altyn jülde. Aita keteiık, biyl otandastarymyz älem chempionatynda da top jarǧan bolatyn.
Qazaqstannyŋ Aziadadaǧy osy baǧdarlama boiynşa būǧan deiıngı nätijelerı:
1994 jyl, Hirosima — altyn;
1998 jyl, Bangkok — kümıs;
2002 jyl, Pusan — altyn;
2006 jyl, Doha — qola;
2010 jyl, Guanchjou — kümıs;
2014 jyl, İnchhon — qola;
2018 jyl, Djakarta — qola;
2022 jyl, Guanchjou — kümıs.
Osylaişa Qazaqstan semserlesu qūramasy Aziia oiyndaryndaǧy jüldeler qoryn taǧy bır altyn medalmen tolyqtyrdy. Būǧan deiın osy Aziadada qazaqstandyq semserlesuşıler bır kümıs jäne üş qola medal jeŋıp alǧan edı.
