Oŋtüstık Koreianyŋ Chondju qalasynda şaibaly hokkeiden erler arasyndaǧy Aziia chempionaty aiaqtaldy. Turnirde öner körsetken Qazaqstan qūramasy barlyq qarsylasynan basym tüsıp, altyn medal iegerı atandy. Būl turaly QR Turizm jäne sport ministrlıgı Sportty damytu direksiiasy mälımdedı, dep habarlaidy “Adyrna”.
Osylaişa, ūlttyq qūrama 2024 jäne 2025 jyldardaǧy tabysyn qaitalap, Aziia chempiony ataǧyn üşınşı jyl qatarynan jeŋıp aldy.
Qazaqstandyq hokkeişıler jarys barysynda üş kezdesu ötkızıp, üşeuınde de jeŋıske jettı. Alǧaşqy oiynda Japoniia qūramasyn 3:2 esebımen ūtsa, ekınşı kezdesude Qytai komandasyna eş mümkındık qaldyrmai, 5:0 esebımen basym tüstı.
Şeşuşı matchta qazaqstandyqtar turnir qojaiyny Oŋtüstık Koreia qūramasymen kezdestı. Oiynnyŋ negızgı uaqyty golsyz aiaqtalyp, jeŋımpaz bullitter seriiasynda anyqtaldy. Nätijesınde otandastarymyz 4:3 esebımen jeŋıske jettı.
Üş kezdesudıŋ barlyǧynda jeŋıske jetken Qazaqstan qūramasy turnir kestesınde bırınşı orynǧa tūraqtady. Japoniia qūramasy kümıs jüldege qol jetkızse, Oŋtüstık Koreia hokkeişılerı qola medal ielendı.
Osylaişa, Qazaqstan qūramasy Aziiadaǧy köşbasşylyǧyn taǧy bır märte däleldep, chempiondyq ataǧyn saqtap qaldy.
