Aǧymdaǧy jyldyŋ 6 aiynda jambyldyq käsıpkerlık subektılerıne 10,5 mlrd. teŋge şaǧyn nesie berıldı. Ekı myŋnan astam azamatqa 3,3 mlrd. teŋge grant bölındı.
BAQ ökılderımen kezdesude osylai degen oblys äkımı Nūrjan Nūrjıgıtov käsıpkerlerge jaǧdai jasau, mümkınşılıkter ūsynu, mäselelerın şeşu – basty talap ekendıgın atap öttı.
- Saladaǧy jūmystardy jetıldıru, investorlarmen tyǧyz qarym-qatynas ornatu ärı tiımdılıgın arttyru maqsatynda 4 arnaiy alaŋ jūmysyn ıske qostyq.
Bırınşıden, apta saiyn ötetın investisiialyq ştab jūmysyn bastady. Ştab jūmysyna ärbır käsıpker qatysyp, öz jobasyn tanystyra alady. Ekınşı kezekte, prokuratura janynan qūrylǧan saraptamalyq keŋestıŋ jūmysyn jalǧastyramyz. Ondaǧy maqsat, ärbır käsıpkerdıŋ qūqyqtary men müddesın qorǧau. Üşınşı, «Atameken» käsıpkerler palatasy janyndaǧy Öŋırlık keŋes pen törtınşı, palata janyndaǧy ısker äielder keŋesterı de käsıpkerlerge qoldau körsetu alaŋyna ainalatyn bolady,-dedı Nūrjan Nūrjıgıtov.Önerkäsıptı damytu baǧytynda «Taraz himiialyq parkı» arnaiy ekonomikalyq aimaǧyn damytu ısıne de män berılude. Ondaǧy jobalar tek himiialyq jobalarmen şektelmeidı. Bügıngı taŋda atalǧan aumaqta 3 investisiialyq jobany jüzege asyruǧa den qoiyluda. Olar: «Qazsugar Co» JŞS – jylyna 150 myŋ tonna qant öndıretın zauyt qūrylysy, «AltynalmasReagents» JŞS – jylyna 25 myŋ tonnaǧa deiın natrii sianidı öndırısı, «TAS Market» JŞS – jyldyq quattylyǧy 60 myŋnan 100 myŋ tonnaǧa deiın ferrosilisii, ferrosilikomarganes, tehnikalyq kremnii, tüstı metall öndıretın metallurgiialyq kombinat qūrylysy. - Jalpy, oblystyŋ damu josparynda aiqyndalǧandai, önerkäsıp salasynda jalpy qūny 2,1 trln. teŋgenı qūraityn 443 jobany ıske qosyp, 10,1 myŋ jaŋa jūmys oryndaryn aşu közdelude.
Agroönerkäsıp keşenın klasterlık täsılmen damytu közdelse, önerkäsıp salasy ärıptestık baǧdarlama negızınde ıske asyrylatyn bolady. Ärıptestık baǧdarlamany öŋırdegı ırı investisiialyq jobalarda da qoldanudy josparlap otyrmyz,-dedı aimaq basşysy öz sözınde.Osy jūmystar jüzege asqan jaǧdaida oblysta eŋbek önımdılıgı 8,5 paiyzǧa, önerkäsıp önımınıŋ kölemı 275 mlrd. teŋgege artyp, eksport kölemı 95,9 mlrd. teŋgenı qūraityn bolady. Sondai-aq, öŋırde jūmys ıstep tūrǧan 77,2 myŋ şaǧyn jäne orta biznes subektılerın 85 myŋǧa deiın jetkızıp, ondaǧy jūmyspen qamtylǧandardyŋ sanyn arttyra otyryp, öndırılgen önım kölemı 7%-ǧa ūlǧaiady dep josparlanuda.
