Foto: NIKON/DR NING XU
Ǧylymi fotosuretter men beinematerialdarǧa arnalǧan bedeldı Nikon Small World In Motion baiqauynyŋ biylǧy jeŋımpaz jūmysy jasandy intellekt qoldanylǧan boluy mümkın degen küdıkke bailanysty qaita tekserılıp jatyr. Būl turaly VVS jazdy, dep habarlaidy "Adyrna".
Baiqauǧa mikroskop arqyly tüsırılgen ǧylymi fotosuretter men beinematerialdar ūsynylady. Biyl bırınşı oryndy Qytaidaǧy Sinhua universitetınıŋ zertteuşısı, doktor Nin Siuidıŋ qysqa beineroligı ielengen.
Siui ūsynǧan jūmysta sirek kezdesetın aurumen auyratyn balanyŋ tynys alu joldaryndaǧy kırpıkşelerdıŋ qozǧalysy körsetılgen. Kırpıkşeler – tynys alu joldarynyŋ ışkı betın qaptaityn, tükke ūqsas öte ūsaq qūrylymdar. Olar tynys alu joldaryn bögde bölşekterden tazartuǧa kömektesedı.
Beinerolikte būl qūrylymdar öte aşyq ärı qanyq tüstermen körsetılgen. Mūndai tüsterdı mikroskopiialyq zertteulerde qoldanu qalypty täjıribe sanalady jäne baiqau erejelerı boiynşa rūqsat etılgen.
Alaida jūmystyŋ tehnikalyq öŋdeluıne qatysty sūraqtar tuyndaǧan.
Nin Siui baiqau jūmysyna jasandy intellekttıŋ belgılı bır kezeŋde qoldanylǧanyn joqqa şyǧarmady. Onyŋ aituynşa, AI sūr reŋktegı rekonstruksiialanǧan keskınderdıŋ erekşelıkterın aiqyndap, olardy vizualizasiialau üşın paidalanylǧan.
Sonymen bırge zertteuşı jasandy intellekttıŋ eksperimenttık beinenı, kırpıkşelerdıŋ özın nemese olardyŋ qozǧalysyn jasauǧa qoldanylmaǧanyn mälımdedı.
Iаǧni Siuidıŋ tüsındıruınşe, AI bastapqy ǧylymi materialdy oidan qūrastyru üşın emes, daiyn derekterdı öŋdep, körnekı etu üşın paidalanylǧan.
Ǧalymdar qandai kümän keltırdı?
Bırqatar ǧalymdar beinedegı keibır detaldarǧa nazar audaryp, onyŋ tüpnūsqalyǧyna kümän keltırdı.
Olardyŋ aituynşa, videodaǧy keibır qūrylymdar jasuşalardyŋ qalypty qūrylysy men qozǧalysyna säikes kelmeidı. Sonymen qatar keibır kırpıkşeler şynaiy biologiialyq qūrylymdarǧa qaraǧanda tym ülken bolyp körınedı.
Florida universitetınıŋ dosentı Edvard Felps keibır qūrylymdardyŋ beinede bır sätte paida bolyp, keiın joǧalyp ketetının atap öttı. Onyŋ pıkırınşe, keibır kırpıkşeler «joq jerden paida bolǧandai» körınedı.
Al Tehas universitetınıŋ Oŋtüstık-Batys medisinalyq ortalyǧynyŋ aspiranty İen Donovan bastapqy keskınde generativtı jasandy intellekt qoldanylǧanyn körsetuı mümkın degen taŋba baiqalǧanyn aitty.
Jūmystyŋ şynaiylyǧyna baiqau qazylar alqasynyŋ būrynǧy ekı müşesı de kümän keltırgen.
Nikon ne deidı?
Nikon kompaniiasy jaǧdaidy tekserıp jatqanyn mälımdedı. Kompaniianyŋ aituynşa, Nin Siui tekseru prosesımen tolyq yntymaqtasyp, qosymşa tehnikalyq qūjattardy ūsynǧan.
Äzırge Nikon baiqau erejelerınıŋ būzylǧanyna naqty dälel joq dep otyr.
«Qazırgı uaqytta qandai da bır erejenıŋ būzylǧanyn körsetetın belgılerdı baiqap otyrǧan joqpyz», – delıngen kompaniia mälımdemesınde.
Kompaniia tekseru nätijesın jaqyn arada jariialauǧa uäde berdı.
Ǧylymi beineler baiqaularynda materialdyŋ tek körkem ärı äserlı boluy jetkılıksız. Jūmystyŋ naqty ǧylymi derekterge negızdeluı jäne baiqau talaptaryna säikes keluı maŋyzdy.
Small World 2026 baiqauynda besınşı oryn alǧan doktor Patrik Hiki mūndai baiqauǧa qatysu ǧalymdar üşın ülken käsıbi moiyndalu ekenın atap öttı. Onyŋ aituynşa, baiqaudaǧy jetıstık aqşalai syilyqtan da maŋyzdy boluy mümkın.
Eger jeŋımpaz jūmysta jasandy intellekt baiqau erejelerıne qaişy türde qoldanylǧany däleldense, būl basqa qatysuşylardyŋ eŋbegıne qatysty ädılettılık mäselesın tuyndatuy mümkın.
