Bügın elımız eŋ maŋyzdy merekelerdıŋ bırı – Ūstazdar künın atap ötude.
Memleket basşysy Qasym-Jomart Toqaev: «Ūstazyn ūlyqtaǧan eldıŋ ūrpaǧy sanaly, bolaşaǧy jarqyn bolary haq», – degen bolatyn. El Prezidentı kez kelgen qoǧamnyŋ kemeldıgı, örkeniettılıgı ūstazǧa degen qatynasymen ölşenetının ünemı aityp keledı.
Ädılettı Qazaqstannyŋ bolaşaǧy bılımdı, erkın oilaityn, jauapkerşılıktı azamattarǧa bailanysty. Al är balanyŋ talabyn baiqap, bılımge qūştarlyǧyn oiatatyn, eŋbek pen adamgerşılıktıŋ qadırın üiretetın – ūstaz. Önerge kelgen är jastyŋ da keiıngı barlyq jetıstıkterınıŋ artynda talmai baptaǧan tälımgerdıŋ eŋbegı tūrady.
Mädeniet jäne aqparat ministrlıgıne qarasty 10 bılım beru ūiymy jūmys ısteidı. Bügınde osy tört joǧary oqu orny, tört kolledj jäne daryndy balalarǧa arnalǧan ekı mektep-internatta 11 136 oquşy men student bılım alyp jür. Osy oqu jylynda taǧy 3 662 jas qabyldandy. Olarǧa 3 303 oqytuşy men pedagog tälım beredı. Mektepter men kolledjderde eŋbek etetın 316 ūstaz pedagog-zertteuşı jäne pedagog-şeber sanattaryna ie.
Biyl käsıbi merekege orai mädeniet salasyndaǧy bılım beru ūiymdarynda eŋbek etıp, eleulı jetıstıkterge qol jetkızgen 25 pedagog Oqu-aǧartu ministrlıgınıŋ vedomstvolyq nagradalarǧa ie boldy. Olardyŋ beseuı «Eŋbek ardagerı» medalımen, törteuı Y. Altynsarin atyndaǧy medalmen, toǧyzy «Bılım beru salasynyŋ üzdıgı» tösbelgısımen, jeteuı Qūrmet gramotasymen marapattaldy. Sondai-aq 38 pedagogqa Mädeniet jäne aqparat ministrlıgınıŋ vedomstvolyq nagradalary tapsyryldy.
Ūstazdar künıne orai elımızdıŋ barlyq ūstazdaryn, bılım salasynyŋ qyzmetkerlerı men ardagerlerın käsıbi merekemen şyn jürekten qūttyqtaimyz! Sızderge myqty densaulyq, otbasylaryŋyzǧa amandyq, ūlaǧatty joldaǧy eŋbekterıŋızge tolaiym tabys tıleimız!
