Pavlodarda jol apatynan auyr jaraqat alǧan 60 jastaǧy äiel auruhanada 10 künnen keiın qaitys boldy. Kölıktı prokuratura qyzmetkerı basqarǧan degen aqparat tarady, dep habarlaidy "Adyrna".
Marqūmnyŋ nemeresı Alinanyŋ aituynşa, äjesı Galina Seitbatalova 23 tamyzda köz jūmǧan. Otbasy 3 qazanda marqūmnyŋ qyrqyn ötkızgen.
Jol apaty 13 tamyzda Pavlodardaǧy Nūrmaǧambetov pen Kamzin köşelerınıŋ qiylysynda bolǧan. Äiel sol künı jūmystan üiıne qaityp bara jatqan. Ol jergılıktı bazardaǧy kiım dükenınde jūmys ıstegen. Apat saldarynan äiel bas süiek-mi jaraqatyn alyp, basynan auyr jaraqattanǧan. Sonymen qatar qabyrǧasy men būǧanasy synǧan. Marqūmnyŋ nemeresı jol-kölık oqiǧasyn ekı adamnyŋ körgenın aitty. Onyŋ sözınşe, jıgıt pen qyz äjesımen bırge joldan ötıp bara jatqan.
Oqiǧaǧa prokuratura qyzmetkerınıŋ qatysy bar ekenın Pavlodar prokuraturasy rastady. Qazırgı taŋda atalǧan derek boiynşa Qylmystyq kodekstıŋ 345-babynyŋ 2-bölıgımen qylmystyq ıs tergelıp jatyr.
Alina ıstıŋ qoǧamǧa jariia bolǧannan keiın tergeuşınıŋ auysqanyn jäne osydan soŋ tergeu jūmystary jandanǧanyn aitty. Onyŋ mälımetınşe, bırneşe saraptama jürgızılıp, qazır olardyŋ nätijesı kütılıp otyr. Otbasy ıstı jürgızu üşın advokat jaldaǧan.
Tergeudı Pavlodar oblysynyŋ polisiia departamentı jürgızıp jatyr. Qylmystyq ıs boiynşa barlyq män-jai anyqtaluda.
