Foto: Alina Smutko/Reuters
Ukraina prezidentı Vladimir Zelenskii Resei 60 kündık atysty toqtatuǧa kelısse, elde prezident sailauyn ötkızuge bolatynyn mälımdedı. Būl turaly ol 11 qazanda, AQŞ-tyŋ ABC telearnasyndaǧy This Week baǧdarlamasynda aitty, dep habarlaidy “Adyrna”.
«Putinge jetkızıŋızşı: bızge ekı ai, iaǧni tolyq 60 künge atysty toqtatu rejimın qamtamasyz etsın. 60 kün berse, bız sailau ötkızemız», – dedı Zelenskii baǧdarlama jürgızuşısı Djonatan Karlmen äŋgımesınde.
Sondai-aq ol «Prezident Trampqa degen qūrmetıme qaramastan», Ukrainanyŋ basşysyn taŋdau qūqyǧy el azamattarynyŋ özınde boluy keregın atap öttı.
AQŞ prezidentı Donald Tramp pen amerikalyq milliarder İlon Masktyŋ Zelenskiidı soǧysty jalǧastyryp otyr dep aiyptauyna qatysty sūraqqa jauap bergen Ukraina basşysy Vaşingtonnyŋ Resei prezidentı Vladimir Putindı qalai toqtatuǧa bolatynyn älı de taba almai otyrǧanyn aitty.
«Öitkenı Putindı toqtatu basqalarǧa qysym jasaudan äldeqaida qiyn. Baǧalar turaly aityp, olardy Ukrainamen bailanystyru äldeqaida oŋai», – dep qosty ol.
Zelenskiidıŋ būl mälımdemesı Tramptyŋ 10 qazanda Ukrainaǧa kelısım jasai alatyn jaŋa prezident tabu qajet ekenın aitqanynan bır kün ötken soŋ jariialandy.
«Ol (Zelenskii — red.) köptegen kelısımderge qol jetkıze alar edı, bıraq qandai da bır sebeppen mūny eşqaşan jasaǧan emes», – degen bolatyn AQŞ basşysy.
Sol künı Tramp Zelenskiidı AQŞ-tyŋ Resei mūnai öŋdeu zauyttaryna (MÖZ) jasalatyn soqqylardy toqtatu turaly ötınışterın elemedı dep aiyptady. Onyŋ aituynşa, būl soqqylar «jahandyq problemaǧa» ainalyp otyr.
«Ol älemge qiyndyq tuǧyzǧysy keledı. Resei dizel otynynyŋ edäuır bölıgın älemge jetkızetındıkten, ol bızdıŋ fermerlerımızge de dizel otyny mäselesı arqyly qiyndyq tudyrǧysy keledı. Oǧan osy şabuyldardy toqtatqan dūrys, qarǧys atqyr!» – dedı Aq üi basşysy.
Zelenskii Tramptyŋ būl sözderıne 11 qazanda jauap berdı.
«Bügınnıŋ özınde energetikalyq nysandarǧa jasalatyn soqqylardy toqtatuǧa mümkındık bar, bıraq Putin mūny qalamaidy. Resei bızdıŋ energetikalyq infraqūrylymymyzǧa şabuyl jasaudy toqtatsa, Ukraina Reseidıŋ mūnai öŋdeu zauyttaryna soqqy berudı toqtatuǧa daiyn.
Eskalasiiany bäseŋdetuge baǧyttalǧan kez kelgen qadam özara sipatta boluy jäne naqty kepıldıktermen qamtamasyz etıluı kerek», – dep atap ötken edı Ukraina prezidentı.
