Premer-ministr Oljas Bektenov halyqtyŋ benzin sapasyna qatysty şaǧymdary jiılegenıne bailanysty joldanǧan deputattyq saualǧa jauap berdı, dep habarlaidy «Adyrna» tılşısı.
Qyrküiekte deputat Ashat Rahymjanov qazaqstandyqtardyŋ janarmai sapasyna qatysty şaǧymdarynan keiın janarmai qūiu beketterınen aiaqasty synama aludy ūsynǧan bolatyn. Onyŋ aituynşa, soŋǧy uaqytta Aİ-95 jäne Aİ-98 markaly avtomobil benzinınıŋ sapasy kürt naşarlaǧanyna bailanysty azamattardan köptegen şaǧym tüsken.
«Janarmai qūiǧannan keiın kölıkter dūrys jūmys ıstemei, otaldyru bıltelerı, katalizatorlar jäne basqa da qymbat bölşekter ısten şyǧa bastaidy. Keibır jaǧdaida kölık ielerı jöndeuge 200 myŋnan 600 myŋ teŋgege deiın jūmsauǧa mäjbür. Būl köptegen otbasynyŋ biudjetıne edäuır salmaq tüsıredı», – degen edı ol.
Deputat sol kezde saualyn Ükımet basşysyna joldaǧan. Oljas Bektenovtıŋ jauaby bügın Qūryltaidyŋ resmi saitynda jariialandy.
Premer-ministr 2026 jyldyŋ basynan berı Qazaqstanda benzinnıŋ 78 synamasy zerttelgenın habarlady. Almaty qalasynda, Qyzylorda oblysynda jäne Jetısu oblysynda alynǧan üş synamanyŋ zerthanalyq taldauy janarmaidyŋ belgılengen talaptarǧa säikes kelmeitının rastaǧan.
Tehnikalyq retteu jäne metrologiia komitetı janarmai qūiu beketterınde jospardan tys tekseruler men baqylau maqsatynda satyp aludy qosa alǧanda, 76 baqylau ıs-şarasyn ötkızgen. Anyqtalǧan zaŋbūzuşylyqtar boiynşa zaŋnamaǧa säikes şaralar qabyldanǧan.
«Janarmaidyŋ belgılengen talaptarǧa säikes kelmeitını anyqtalǧan jaǧdaida kınälı tūlǧa memlekettık baqylau men zerthanalyq zertteulerdıŋ nätijelerı negızınde aiqyndalady», – dep jauap berdı Bektenov.
Sondai-aq ol 25 tamyzda Pavlodar mūnai-himiia zauytynda tekseru jürgızılgenın eske saldy. Zauytta alynǧan benzin synamalaryna jürgızılgen zerthanalyq zertteuler olardyŋ belgılengen talaptarǧa tolyq säikes keletının körsetken.
Qazır vedomstvoaralyq komissiia benzin öndıruden bastap ony tüpkılıktı tūtynuşyǧa ötkızuge deiıngı barlyq tehnologiialyq jäne logistikalyq prosesterge audit jürgızıp jatyr. Onyŋ qorytyndysy boiynşa otyn ainalymynyŋ sapasyn baqylaudy küşeituge baǧyttalǧan qajettı şaralar äzırlenedı.
Būdan bölek, mūnai önımderınıŋ sapasyn qadaǧalap otyrudy qamtamasyz etu üşın Qūryltaidyŋ qarauynda zaŋ jobasy jatyr. Onda memlekettık baqylaudyŋ bır türı retınde tergep-tekseru tetıgın engızu közdelgen.
«Būl anyqtalǧan säikessızdıkterdıŋ sebepterın anyqtauǧa jäne önımnıŋ jetkızılu tızbegın öndıruşıge nemese importtauşyǧa deiın qadaǧalauǧa mümkındık beredı», – delıngen deputattyq saualǧa berılgen jauapta.
Sonymen qatar otynnyŋ är partiiasyn öndıruşıden nemese importtauşydan bastap naqty janarmai qūiu beketıne deiın qadaǧalau şaralary pysyqtalyp jatyr. Būl rette otynnyŋ şyǧu tegı men zerthanalyq baqylau nätijelerı turaly mälımetterge QR-kod beru mäselesı de qarastyryluda.
Būǧan deiın äleumettık jelılerde qazaqstandyqtardyŋ Aİ-92 jäne Aİ-95 markaly benzinnıŋ sapasyna şaǧymdanǧan jazbalary jariialanǧan bolatyn. Keibır qoldanuşy kölıkterınıŋ būzylǧanyn da habarlap, mūny sapasyz janarmaimen bailanystyruy mümkın ekenın aitqan.
