Aqtaudaǧy «Bagis» qūrylys kompaniiasynyŋ direktory 120-ǧa juyq üleskerdıŋ 400 million teŋgesın jymqyrdy dep aiyptaluda, dep habarlaidy «Adyrna» ūlttyq portaly Qarjy monitoringı agenttıgınıŋ baspasöz qyzmetıne sılteme jasap.
«Aqtau qalasyndaǧy qūrylysy aiaqtalmaǧan «Atameken» tūrǧyn üi keşenındegı investorlardyŋ senıp tapsyrylǧan qarajatyn ysyrap etu jäne jymqyru faktısı boiynşa «Bagis» JŞS basşylyǧyna qatysty qylmystyq ıs boiynşa tergeu jalǧasuda. Tergeu barysynda JŞS direktorynyŋ 2017 jyldyŋ nauryzynan 2022 jyldyŋ qyrküiegıne deiıngı aralyqta tūrǧyn üi keşenınıŋ qūrylysyn aiaqtaimyz degen jeleumen 119 üleskerdıŋ ırı somada 400 million teŋgege juyq qarjysyn jymqyrǧany anyqtaldy», - delıngen habarlamada. Qazırgı uaqytta tergeu amaldarymen qatar, qosymşa sot saraptamalary jürgızılude, onyŋ qorytyndysy boiynşa küdıktınıŋ äreketıne tüpkılıktı qūqyqtyq baǧa berıledı. Basqarma Qazaqstan Respublikasy Qylmystyq-prosestık kodeksınıŋ 201-babyna säikes özge mälımetterdı jariia etpeidı. Esterıŋızge sala keteiık, 2020 jyly Aqtauda osy ıske qatysty 100-den astam otbasy päterlerın talap etıp, janjal şyǧarǧan bolatyn. Halyqtyŋ aituynşa, olardyŋ köbı 100 paiyz aldyn ala tölem jasaǧanymen, üş jyldan berı baspana jaldauǧa mäjbür bolǧan. Al «Atameken» tūrǧyn üi keşenı 2017 jyly aiaqtalady dep uäde etılgen.«Adyrna» ūlttyq portaly
Ūqsas jaŋalyqtar
