«Ermahan, ket!»: Belgili boksshynyń ústinen aryz tústi

9951
Adyrna.kz Telegram

Parlament saılaýynda alańǵa shyqqan jurtpen jaǵa jyrtysqan boksshy, 2000 jylǵy Olımpıada oıyndarynyń chempıony Ermahan Ibraımovtyń ústinen aryz tústi, – dep habarlaıdy «Adyrna» ulttyq portaly Newsroom+aqparat agenttigine silteme jasap.

Belsendiler saılaý kúni ózderine qoqan-loqy kórsetken Ermahan Ibraımovtyń ústinen polıııaǵa aryz beretinin málimdedi.

“25 qańtarda saǵat 10.00-de zańger Erlan Qalıevpen birge Almaty polıııa departamentine Ermahan Ibraımovke aryz berýge baramyz”, – dep jazdy Facebook-te “Demokratııalyq partııa” qurý jónindegi bastamashyl toptyń belsendisi Áıgerim Tileýjan.

Boksshy Almatydaǵy Janbolat Mamaı bastaǵan belsendiler uıymdastyrǵan ereýilge arnaıy barǵany jáne olardyń óz pikirin bildirýine qarsy ekenin aıtqan.

“Janbolat Mamaı men onyń jaqtastary”prezıdent – ket! Nur Otan – ket!”- degen osy tektes sózdermen plakat ustap turdy. Iaǵnı, bul adamdar bizdiń otyz jyl boıy qurǵan qoǵamymyzǵa jáne onyń birligine qol suǵýdy oılaǵan. Janbolat Mamaı degen kim?! Ol otyz jastaǵy áli ómirde eshteńege qol jetkize almaǵan boqmuryn. Al men óz elim úshin kúresip, memlekettiń dańqyn asyryp, túrli jarystarda Qazaqstannyń namysyn qorǵap, Olımpıada chempıony atandym. Sondyqtan men keıbir adamdar osyndaı qorlaıtyn urandarmen sóıleı bastaǵanda, jaı qarap tura almaımyn”, – degen bolatyn boksshy.

Aıta ketelik 10 qańtarda bılik opponenti Janbolat Mamaıdyń jaqtastary saılaýǵa boıkot jarııalap, narazylyq bildirgen.  Ermahan Ibraımov mıtıngige shyqqan jurtty úrkitip-qorqytyp, narazylyq bildirýshilerdiń plakattaryn qaq aıyrǵan.

Qaýipsizdik kúshteriniń qorshaýynda qalǵan belsendiler “Ermahan, ket!” dep aıqaılady, sodan keıin boksshy oqıǵa ornynan ketip qalǵan edi.

Pikirler