Şymkentte Qairat Nūrtas konsertı kezındegı adamdardyŋ jappai qysyluyna bailanysty ūstalǧan ūiymdastyruşy ekı ai merzımge üiqamaqqa alyndy, dep habarlaidy "Adyrna" ūlttyq portaly.
Qala prokuraturasy tergeu sotynyŋ şeşımımen kelıspei, oǧan narazylyq bıldırmek. Būǧan deiın küdıktı ūstalyp, uaqytşa ūstau izoliatoryna qamalǧan. Alaida tergeu soty ony qamauda ūstauǧa sanksiia bermei, ekı aiǧa üiqamaqqa jıberu turaly şeşım qabyldaǧan.
Prokuratura sot qaulysyna narazylyq engızetının aitty.
Qairat Nūrtas konsertı 10 qazanda Şymkenttegı Q.Mūŋaitpasov atyndaǧy stadionda ötken. Konsertke jinalǧan körermender kıreberıste qysylyp, oqiǧa beinelengen videolar äleumettık jelılerde taraǧan. Aldyn ala mälımet boiynşa, ūiymdastyruşylar stadionnyŋ syiymdylyǧynan köp bilet satqan boluy mümkın. Osyǧan bailanysty adamdardyŋ qauıpsızdıgıne qater töngen.
Qazır būl derek boiynşa Qazaqstan Qylmystyq kodeksınıŋ 306-babynyŋ 2-bölıgı, iaǧni qauıpsızdık talaptaryna sai kelmeitın qyzmet körsetu faktısı boiynşa tergeu jürgızılıp jatyr. Adamdardyŋ qysyluy saldarynan 18 jastaǧy qyz jaraqat alyp, auruhanaǧa jetkızılgen. Şymkent qalasynyŋ densaulyq saqtau basqarmasy onyŋ jaǧdaiyn tūraqty auyr dep baǧalaǧan.
Jalpy medisinalyq kömekke segız adam jügıngen. Olardyŋ jeteuı tekseruden keiın üilerıne jıberılgen.
Polisiia oqiǧa kezınde adam qaza tapqany turaly äleumettık jelılerde taraǧan aqparatty joqqa şyǧardy. Resmi mälımet boiynşa, qaza tapqandar joq.
Qazır tergeu jalǧasyp jatyr.
