Foto: TASS
Keti Zahariia Aq üidıŋ baspasöz hatşysy qyzmetıne taǧaiyndalǧannan keiın bır aptaǧa jetpei qyzmetınen ketken, dep habarlaidy “Adyrna”.
Jergılıktı BAQ deregınşe, būǧan Zahariianyŋ alǧaşqy baspasöz mäslihaty jäne onyŋ zaŋgerlık bılıktılıgıne qatysty tuyndaǧan sūraqtar sebep bolǧan.
Alǧaşqy baspasöz mäslihaty kezınde Zahariia jurnalisterdıŋ üş sūraǧyna jauap bergennen keiın kezdesudı aiaqtaǧan. Keiın onyŋ özın advokat retınde tanystyrǧanyna qaramastan, advokattyq emtihannan öte almaǧany belgılı bolǧan.
AQŞ prezidentı Donald Tramp jurnalistermen äŋgımesınde Zahariiaǧa būl qyzmettıŋ qajet-qajet emestıgın qaita oilastyrudy ūsynǧanyn aitty. Sonymen qatar ol Zahariianyŋ äkımşılıkte basqa lauazymǧa taǧaiyndaluy mümkın ekenın jetkızdı.
Tramp būl qyzmettı Zahariiaǧa ötken jūmada ūsynǧan. Fox News arnasynyŋ kommentatory bolǧan Zahariianyŋ kandidaturasy Aq üi qyzmetkerlerınıŋ köpşılıgı üşın kütpegen şeşım bolǧan. Alaida Zahariia prezidenttıŋ janynda jiı jüretın kömekşısı Natali Harptyŋ qoldauyna ie bolǧan.
The New York Times basylymynyŋ jazuynşa, şeşım turaly aqparatty basylymǧa üş derekköz anonimdı türde jetkızgen. Olardyŋ mälımetınşe, būl şeşım äzırge resmi türde jariialanbaǧan.
Būǧan deiın Keti Zahariianyŋ Aq üidıŋ baspasöz hatşysy retındegı alǧaşqy baspasöz mäslihatyn ötkızgenı habarlanǧan edı. Sol kezde ol Donald Trampqa senım bıldırgenı üşın alǧys aityp, onyŋ komandasynda jūmys ısteudı köpten berı armandaǧanyn jetkızgen.
