Kökşetauda Respublika künıne orai Memlekettık Tudy saltanatty türde köteru räsımı öttı. Is-şaraǧa Aqmola oblysynyŋ äkımı Marat Ahmetjanov qatysty.
Qazaqstan Respublikasynyŋ Memlekettık Änūrany oryndalǧan sätte kök bairaq kökke köterıldı. Änūrandy «Jastar» vokaldyq studiiasynyŋ solisterı men «Kökşetau» mädeniet saraiynyŋ şyǧarmaşylyq ūjymdarynyŋ bırıkken hory oryndady. Memlekettık Tudy Mälık Ǧabdullin atyndaǧy Azamattyq qorǧau akademiiasynyŋ kursanttarynan qūralǧan tu ūstauşylar toby alyp şyqty.
Jerlesterın ūlttyq merekemen qūttyqtaǧan öŋır basşysy Respublika künınıŋ el tarihyndaǧy airyqşa maŋyzyn atap öttı. Onyŋ aituynşa, memlekettık egemendık turaly Deklarasiia Qazaqstannyŋ Täuelsızdıkke jetu jolyndaǧy maŋyzdy tarihi qadam boldy.
«Prezident Qasym-Jomart Kemelūly Toqaev Respublika künın halqymyzdyŋ täuelsız memleket bolyp qalyptasuyna jol aşqan qasiettı kün dep atap öttı. Bügınde Qazaqstan auqymdy jaŋǧyru kezeŋınen ötude. Onyŋ basty maqsaty — azamattardyŋ qūqyqtary men bostandyqtaryn qorǧau, zaŋ üstemdıgın nyǧaitu jäne halyqtyŋ äl-auqatyn arttyru. Aqmola oblysy da el damuyna öz ülesın qosyp keledı: ekonomikalyq äleuetın arttyryp, önerkäsıp pen auyl şaruaşylyǧyn damytyp, investisiia tartuda jäne jaŋa jūmys oryndaryn aşuda. Bılım beru men medisinalyq qyzmet sapasyn arttyru, infraqūrylymdy jetıldıru jäne jastarǧa jaŋa mümkındıkter jasau — negızgı basymdyqtarymyz. Ädılettı Qazaqstandy qūru — ärqaisymyzdyŋ ortaq mındetımız. Bızdıŋ Otanymyz bır, memleketımız bır, halqymyz bır», — dedı Marat Ahmetjanov.
Saltanatty şara aiasynda öŋırdıŋ damuyna, qoǧamdyq qyzmetke, äleumettık-ekonomikalyq jäne mädeni salalardyŋ örkendeuıne, sondai-aq dostyq pen yntymaqtastyqty nyǧaituǧa eleulı üles qosqan aqmolalyqtarǧa alǧys hattar tabystaldy.
