Bügın, 2 qaraşada Myrza Erkenbek Qazaqstan boks federasiiasynyŋ sport direktory qyzmetıne taǧaiyndaldy, dep habarlaidy «Adyrna» tılşısı.
Būǧan deiın Qazaqstan boks federasiiasynyŋ Bas hatşysynyŋ keŋesşısı qyzmetın atqarǧan ol endı federasiianyŋ sporttyq baǧytyna jetekşılık etedı.
Jaŋa qyzmetınde Myrza Erkenbek ūlttyq qūramalar men jasöspırımder komandalarynyŋ oqu-jattyǧu prosesterın ūiymdastyru jäne üilestıru, halyqaralyq jarystarǧa daiyndyq jūmystaryn baqylau, jattyqtyruşylar qūramymen özara jūmysty üilestıru, sondai-aq federasiianyŋ sporttyq strategiiasyn ıske asyruǧa jauapty bolady.
«Sport direktorynyŋ negızgı maqsaty - Qazaqstan boksşylarynyŋ halyqaralyq arenadaǧy bäsekege qabılettılıgın arttyru, ūlttyq qūramanyŋ tūraqty joǧary nätijelerge qol jetkızuıne qajettı jaǧdai jasau jäne otandyq bokstyŋ damuyna üles qosu»,– delıngen habarlamada.
