10 tamyz – Abai künı. Şymkentte el ruhaniiaty üşın airyqşa sanalatyn merekenı atap ötu 9 tamyzdan bastaldy. Qazaqtyŋ ūly aqyny Abai Qūnanbaiūlynyŋ 177 jyldyǧyna orai Şymkent qalasynyŋ ortalyqtandyrylǧan köpşılık kıtaphanalar jüiesı ekı kündık «Kıtap keruenı» atty jyljymaly kıtap körmesın ūiymdastyrdy.
«Ūlylardyŋ ūlysy – Abai» taqyrybynda ötken ıs-şaraǧa şymkenttıkter belsene qatysty. Oqyrmandar Arbat demalys aimaǧynda körmege qoiylǧan aqynnyŋ öleŋ jinaqtary, qara sözderı, hikmet kıtaptarymen tanysty.
Ūiymdastyruşylar Abai Qūnanbaiūlynyŋ ömırı men şyǧarmaşylyǧy turaly qala tūrǧyndary arasynda viktorinalyq oiyndar ūiymdastyryp, jeŋımpazdardy marapattady.
Aita keteiık, jyljymaly kıtap keruenı Arbat alaŋynda bügın keşkı saǧat 20.00-de jalǧasatyn bolady. Būdan bölek, Şymkent qalasynyŋ ortalyqtandyrylǧan köpşılık kıtaphanasynda bügın «Abai änderın bırge şyrqaiyq» atty ädebi äuendı keş ötedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz